Текст песни For2o3 Louz - Mahmoud El Esseily

فرقع لوز عندي بالدنيا
يقوم من النوم دايماً بخناقة
غلبنا معاه صوته الدنيا عارفاه
أصله بيديها حياة لما بيتشاقى

المفعوص بيكسر لعبه
أزعل و أراضيه منا اصلي بحبه
وفخوره اوي بيه ده بطل والدنيا عليه
بص للخوف في عينيه وفي لعبته كسبه

الحلو الحيلة بأسهل حيلة خد قلبي معاه
شخبط ع الحيطة بس بسيطة والله فداه
و ان تعب الحيلة اكمنه الحيلة يتعبنا معاه
نسهر علشانه ونبقى مكانه لو حاجة وجعاه
لو حاجة تكون وجعاه

فرقع مين ؟ ده بطل على سنه
معرفش الخوف يتمكن منه

لو وجعه يزيد يمسكه يخبطه في الحيط
وعلى نفس الحيط ده بيكتب اسمه

الحلو الحيلة بأسهل حيلة خد قلبي معاه
شخبط ع الحيطة بس بسيطة والله فداه
و ان تعب الحيلة إكمنه الحيلة يتعبنا معاه
نسهر علشانه ونبقى مكانه لو حاجة وجعاه
لو حاجة تكون وجعاه