Текст песни البوصلة ضاعت - Marwan Moussa

البوصله ضاعت، في المحيط
رسمت الطريق من اول وجديد
التشابه بين الفجر وغروب الشمس بالنسبالي كان شئ غريب
حياة وموت، زائد سالب
بين الاتنين انتي فعالم تالت
عمر طويل، بس في ثانيه خانك
لو رجعت بينا، زي ما كانت
بصيت لفوق عملت فحص
موتت جوه نفسي كذا شخص
مفيش حد فينا مبيغلطش
انا وضميري في مسابقة رقص
انا بحاول افتكر كل الليالي اللي ساحت في بعض،
ايامها دنيتي كانت سهله بس انا الي فضلت مصمم عالصعب
بحر كبير، مش عامل صوت
نور القمر سايح علي الموج
بنموت من الخوف بنخاف من الموت
كلها شويه ونطلع علي فوق
ده اللي عندي، ده اللي عندي
ناس كتيرة مبقتش جنبي
هما المفروض كانوا يشيلو عني
مبين لهم ان الدنيا بمبي
عايزين يقروني زي الكتاب
فا اديت لنفسي شويه تعليمات
وش بدون اي تعبيرات
مطبات، ملفات
الناس دي عامله زي البلالين!
حابس جوه نفسي مساجين
وسط الزحمه نسيتلك انا مين
حاسس اني لوحدي وسط ملايين
ملامحي اختفت مخي ابتدي يسيح
والبطاقة طارت مع الريح
مفيش مستقبل مفيش تاريخ
في دلوقتي عايز اعيش
عايز اعيد عايز اتحول
بقولها كتير وبتتفوت
عايز احس ان في شخص اتكون
عايز العبها تاني من الاول
مصيبه لو فضلنا زي ماحنا
قضينا وقت طويل ليلاتي بنحرق
بدأت اتغير وانا فنص الرحلة
فهمت نفسي وانا فقلب الوحدة
بنيت لنفسي مرايه جديدة
شمس بعد ليلة طويلة
جهزت وطلعت عالسفينه
بس الدنيا دي غريبة
اصل البوصله ضاعت في المحيط
رسمت الطريق من اول وجديد
التشابه بين الفجر وغروب الشمس بالنسبالي كان شئ غريب
حياة وموت، زائد سالب
بين الاتنين انتي فعالم تالت
عمر طويل، بس في ثانيه خانك
لو رجعت بينا، زي ما كانت
بصيت لفوق عملت فحص
موتت جوه نفسي كذا شخص
مفيش حد فينا مبيغلطش
انا وضميري في مسابقة رقص
انا بحاول افتكر كل الليالي اللي ساحت في بعض،
ايامها دنيتي كانت سهله بس انا الي فضلت مصمم عالصعب
(انا بحاول افتكر كل الليالي اللي ساحت في بعض)