Текст песни Ayath Yitran - Matoub Lounes

Ur d-wwin talwit lesnin
Amek ara yiḥnin
Win yewwet laẓ s aqeṛṛu
Leɛlam neḥrez s tismin
Ɣef i ǧlent tlawin
Tɣunfa-t tiṭ ad tewɛu
Yefsex yiṭij n tmanyin
Rekment tudrin
Fell-asent izelz uɣuṛu

Yefsex yiṭij n tmanyin
Rekment tudrin
Fell-asent izelz uɣuṛu
···
Ur nettruḥu d iseflan
Ɣef ayen ur aɣ-yecqan
Terram tamurt d lmecmel
D kunwi i ten-id-irebban
I ten-id-isnernan
Ass mi akken nuda ɣef laṣel
Ass-a gar sin iberdan
Lber ur iban
A win yengern lewḥel
Ass-a gar sin iberdan
Lber ur iban
A win yengern lewḥel
Ay at yitran ɣef tuyat
Tcegbem taswaɛt
Trebbam afud i tlafsa
Lemmer tettnadim tifrat
Ad teggem taseqqart
I widen teǧǧa seḥḥa
Tunfem i lhem yesserwat
Lḥeb-is yeẓḍa-t
Ad t-isaǧaw ɣef tmura
Tunfem i lhem yesserwat
Lḥeb-is yeẓḍa-t
Ad t-isaǧaw ɣef tmura
···
A wid-nni iqeblen tigi
Azekka ad yili
Tamurt ad as-tebru tawla-s
Xas ad ken-izgel wesweɛdi
I tyita n lemri
Init-d ma ad tebnum fell-as
Tuzma mi ara d-teḥlelli
A ttxebbel d tirni
Ayen akk tebnam si lsas
Tuzma mi ara ad teḥlelli
A ttxebbel d tirni
Ayen akk tebnam si lsas