Текст песни Tanha Thi Aur Hamesha - Mehdi Hassan

Tanha thee aur hamesha se tanha hai zindagi
Hai zindagi ka naam magar kya hai zindagi

Yahaan phool aarzoo'on ke khilte nahee kabhi
Bichray jo aik baar woh milte nahee kabhi
Sunsaan raaastoon ka tamaasha hai zindagi
Tanha thee aur hamesha se tanha hai zindagi...

Har shamma ke naseeb mein hai dard ka dhuwaan
Har phool ki hansi mein chuppa hai gham-e-khizan
Resham haseen khwaab hai shola hai zindagi
Tanha thee aur hamesha se tanha hai zindagi...

Souraj ko aansoo'on ke samundar mein phenk doon
Jo mera bas chale tu sitaroon ko noch loon
Jhootay hai sab chiraag andhera hai zindagi
Tanha thee aur hamesha se tanha hai zindagi.