Текст песни Shabbos in Meziboz - Mordechai Ben David

אין אדר תש"ס, 20 חברים פון ארום די גאנצע וועלט זענען
געפארן אויף א נסיעה צום הייליגען בעל שם טוב הקדוש זי"ע,
אויף שבת פרשת זכור, און דאס דערציילן זיי:

די שקצים אין אוקריינא זיי קענען נישט פארשטיין
פארוואס קומט אזא גרויסע עולם צו גיין
פון יענער עק וועלט, פון ישראל און אויך פון אמעריקע

קיין שטעטעלע מעזיבוש מיר גייען מיט פרייד
גרויסע צדיקים זיך אלץ דא געדרייט
א גאנץ שבת קודש דא וועלן מיר זיין
אין מעז'בוזש

צו זיין ביי דעם הייליגען בעל שם טוב'ס א אטיש,
נאך 200 יאר מיר פארגעסן גארנישט,
די קדושה אויף יעדן צוריק אויף געפרישט,
אין מעז'בוז

א שבת און מעז'בוז ביים הייליגען בעל שם
די טרערן פון הארצן באשעפער שוין נעם
מיט קדושה טהרה מעין עולם הבא
אין מעז'בוז

ס'פרייטאג צונאכט'ס און מ'בעט נאכאנאנד
קיין לעקטער נישט דא דעם פארצייטענס דערמאנט
אבער די לעכטלעך ביי ציון עס שטראלט נאך און שיינט
ביים בעל שם טוב

מ'גרייט זיך צום קידוש'ל פרייטיג צונאכט'ס
די השגחה עליונה האט ווין אויך געבראכט
עס הייבט זיך די פיס אין א טאנצעל מען מאכט'דך
אין מעז'בוז

מיט גרויסע התלהבות מיר טאנצען ארום
תהא שעה הזאת שעת רחמים
א קרעכצעל פון הארצען עס קומט דאך
אין מעז'בוז

א שבת און מעז'בוז ביים הייליגען בעל שם
די טרערן פון הארצן באשעפער שוין נעם
מיט קדושה טהרה מעין עולם הבא
אין מעז'בוז

א טעם פון גן עדן גאנץ שבת געשפירט
די שיינע זמירות האט מען אויך אנגעפירט
אין הייליגען דערפל מיר האבן שפאצירט
אין מעז'בוז

א חשובע יוד גיט דאס אונז צו פארשטיין
אז דער צדיק אין הימל איז גוזר אליין
ווער צו זיין ציון זאל קומען צו גיין
קיין מעז'בוז

אוי רבי אויף אידישע קינדערלעך קוק
אוי אונזערע צרות שוין זיכער גענוג
צובראכענע אידעלעך בעטן אויף גליק דא
אין מעז'בוז

א שבת אין מעז'בוז ביים הייליגען בעל שם
די טרערן פון הארצן באשעפער שוין נעם
מיט קדושה טהרה מעין עולם הבא
אין מעז'בוז

די גרויסע צדיקים זיי קוקען אראפ
בשעת סעודה שלישית וואס טוט זיך דא אפ
שוין לאנג נישט געווען אזא פייער פון קדושה
אין מעז'בוז

אונזערע תפילה געזאנגען אין הימל ארויף
אלע גרויסע צדיקים זיי קומען זיך צינויף
און זיי טאנצן דא נאכאמאל אין צדיק'ס הויף דא
אין מעז'בוז

ס'איז שוין מוצאי שבת מען בעט מיט געוויין
אוי גאט פון אברהם באגלייט אונז אהיים
צוריק אין דעם בלאטע אין גלות מיר גייען
פון מעז'בוז

מיר בעטן ישועות פאר אונז אלע אויף אמאל
און טראגן השפעות פאר פריינד איבעראל
אהיים קיין אמעריקע און אויך קיין ישראל

"אוי רבי! אמעריקע איז דאך נישט מעז'בוז!..."