Текст песни Repressiya - Okaber

Heç nə ilə əvəz olunmur əzablar soyuq zirzəmidə
Son ümidlərim də batdı azadlığım batan gəmidə
Hər gün qətliam, nə isə, mən yenə təxirə salınmışam
Səhər-axşam eyni işgəncə, eyni əzab, yox inam
Mühakiməsiz ölüm hökmləri, onun qurbanları yazıq
Onun qurbanları biz, hər kəs bizdən narazı
Qəhrəmanlara dağ çəkildi, damğa vurulub öldürüldü
Şəhidlər vətən xaini kimi tanındı, görüldü
Bölündü qəlblər, cəsədlərdən divarlar hörüldü
Mən sürgündəyəm, dost
Mənim üçün də hökm verildi

Səbəbini bilirsən, yazdıqlarım və yazmadıqlarım
Bu məktubu da yandır, haqqında heç nə yazma bunların
Katorqada rejim ağır, dərd üstünə yığır dərd
Biz buralara nabələd, şaxta kəsir sərt
Hətta yağır dərd yağışlarla
Bağışla da, yazdıqlarım yıxır qəlbi, dağıdır
Sıxır qəlbi, ağrıdır
Repressiya qəribə mühitə bağlıdır, inan ki
Burada olmayıb dostluq və sevgi
Nə musiqi, nə şeiriyyat
Nə də həyat olmayıb sanki (sanki)