Текст песни Ballata del re - Peppe Barra

Stéva na vòta nu rre
Anze ne stévano duje
Ca po salute a nnuje
Parévano quase tre...!
Principe e principésse
E fate, uórche e urchésse
Uómmene malandrine
Fémmene culumbrine

E tutte alleramènte
Nòbbele e lazzarune
Int' a 'stu casalóne
Addo' chi tène a mènte
Chi ride e chi pazzéa
E chi s'addubechéa
Addo' chi va, chi rèsta
Chi pènsa che sta fèsta
Nun po' ferni' mai cchiu'

Fu quanno stéva o' rre
Anze ne stévano duje
Ca po' salute a nnuje
Parevano quase tre...!
Fu quanno all'intrasatta
Chiuvettero cunfiette
E 'a ggente s'abbuffaje
Pe' tanto ca magnaje

Fu quanno bèll'e bbuóno
Ca dinto a nu frastuóno
E mille voci 'ncòro
Spuntaje 'nu sóle d'òro
Cèrto però ca fuje
Quanno 'nce stéva o' rre
Anze ne stévano duje
Ca po salute a nnuje
Parévano quase tre...!
Ca po salute a nnuje...
Cèrto però ca fuje
Quanno 'nce stéva o' rre
Anze ne stévano duje
Ca po salute a nnuje
So' divintate tre!