Текст песни Desiderio 'E Sole - Peppino di Capri

Di: Tito Manlio/Gigante
E comme è scuro 'o cielo 'e 'stu paese
'E nnuvole chiù nere stanno ccà!
'A primmavera nosta è n'ata cosa
Chi sta luntano, non s' 'a po' scurdà!
'O sole, è bello 'o sole!
Ca vene, t'accarezza e se ne va!
Ammore, ammore mio
'Sta pecundria m'astregne 'o core
Sentesse maje pe' l'aria 'na canzone
Sentesse maje 'na voce ca vò bene!
Ammore, ammore mio
P' 'a nustalgia io me ne moro!
Spuntasse maje 'nu sciore a 'stu paese!
Che desiderio 'e sole!
Che spacca 'e pprete e 'nfoca tutt' 'e ccase!
O juorno ca me scrive 'na parola
E ca me daje 'a speranza 'e te vedè
Dint' 'a stu cielo niro sponta 'o sole
Ca vene e dà calore 'mpitt' 'a me!
'Stu core, 'stu scemo 'e core
S' 'a passa sempe a chiagnere pe' tte!
Sentesse maje pe' l'aria 'na canzone
Sentesse maje 'na voce ca vò bene!
Ammore, ammore mio
P' 'a nustalgia io me ne moro!
Spuntasse maje 'nu sciore a 'stu paese!
Che desiderio 'e sole!
Che spacca 'e pprete e 'nfoca tutt' 'e ccase!