Текст песни Ds Hippigschpängschtli - Peter Reber

'S isch z Nacht am zwölfi, dr Wind wäiht düre Schlossgang
'S isch Geischterstund bim letschte Gloggeschlag
Es chlyses Gschöpfli im ne wyssen Umhang
Zybet muetig ds Stägegländer ab

Ir erschte Kurve wird's scho langsam kritisch
Ir zwöite het's es gruusig usegspickt
Es schimpft u dänkt, ja das isch wider typisch
Dr Butler, dä Löu, het ds Gländer no geng nid gflickt

Wär kennt scho d Not vom chlyne Hippigschpängschtli
Es schilet u het Blüemli uf em Chleid
Wär kennt scho syni Sörgeli u Aengschtli
Däm Gschpängschtli, wo geng alles abverheit

Grad z Trotz wott itz dä Lyntuech-Blüemli-Stumpe
Chopfvoraa dür d Tür vor Mademoiselle
Im Schlüsselloch, da hanget no dr Lumpe
Düregrütscht isch nume ds Chnochegstell

Wär kennt scho d Not vom chlyne Hippigschpängschtli
Es schilet u het Blüemli uf em Chleid
Wär kennt scho syni Sörgeli u Aengschtli
Däm Gschpängschtli, wo geng alles abverheit

Doch das bringt ds Gschpängschtli ersch so rächt uf d Socke
Und uf dr Bettstatt brüelet's Mordio
Doch die im Bett, wo's hätti wölle schocke
Hei statt e Schock e Lachchrampf übercho

Wär kennt scho d Not vom chlyne Hippigschpängschtli
Es schilet u het Blüemli uf em Chleid
Wär kennt scho syni Sörgeli u Aengschtli
Däm Gschpängschtli, wo geng alles abverheit

Wär kennt scho d Not vom chlyne Hippigschpängschtli
Es schilet u het Blüemli uf em Chleid
Wär kennt scho syni Sörgeli u Aengschtli
Däm Gschpängschtli, wo geng alles abverheit

Wär kennt scho d Not vom chlyne Hippigschpängschtli
Es schilet u het Blüemli uf em Chleid