Текст песни Serenata napoletana - Pietra Montecorvino

Dimme, dimme a chi pienze assettata
Sola sola addereto a sti llastre?
'Nfacci' 'o muro 'e rimpetto stampata
Veco n'ombra e chest'ombra si' tu!
Fresca è 'a notte: 'na luna d'argiento
Saglie 'ncielo e cchiù ghianca addeventa
E ogne tanto nu sciato d' 'o viento
Mmiez' a st'aria se sente passà

Ah, che notte, che notte!
Ma pecché nun t'affacce?
Ma pecché, ma pecché me ne cacce
Catarì, senza manco parlà?
Ma ce sta nu destino
E io ce credo e ce spero
Catarì! Nun è overo!
Tu cuntenta nun si'!
Catarì! Catarì!
Tu cuntenta nun si'!
Catarì! Catarì!
Tu cuntenta nun si'!

Catarì, catarì, mm' e' lassato
Tutto 'nzieme st'ammore è fernuto
Tutto 'nzieme t' e' sciveto a n'ato
Mm' e' nchiantato e mm' e' ditto "bonne nuit"
E a chist'ato ca mo' tu vuo' bene
Staie scetata e scetata ll'aspiette
Ma chist'ato stasera nun vene
E maie cchiù, t' 'o dico io, venarrà!

No! Nun vene, nen vene
Ll'aggio visto p' 'a strata
Cammenà core a core cu' n'ata
E, rerenno, parlaveno 'e te
Tu si' stata traduta!
Tu si' stata lassata!
Tu si' stata 'nchiantata!
Pure tu! Pure tu!
Catarì! Catarì!
Tu cuntenta nun si'!
Catarì! Catarì!
Tu cuntenta nun si'!

Catarì! Catarì!
Tu cuntenta nun si'!
Catarì! Catarì!
Tu cuntenta nun si'!