Lo rialo

Tiene 'na rosa 'nfronte
Ch'aggraziata è tanto
Chiena d'addore e 'ncanto
Che pace non me dà
Ma io saccio che t'è cara
Sta rosa accussì bella

Damme, damme, dammella
Non me fà cchiù aspettà
Damme, damme, dammella
Non me fà cchiù aspettà

Pecchè ne sì gelosa
Gelosa de 'sto sciore?
Non saje che vista e addore
Subeto se ne va?
E almeno, nenna mia
Dammene 'na frunnella

Damme, damme, dammella
Non me fà cchiù aspettà
Damme, damme, dammella
Non me fà cchiù aspettà

Tu dire me potraje
Portame a fà la zita
Tanno purzì la vita
Sto core te darrà
Ma i' 'ncopp'a 'sta grillanna
Voglio 'sta rosa bella

Damme, damme, dammella
E po' jammo a sposà
Damme, damme, dammella
E po' jammo a sposà