Текст песни O zampugnaro nnammurato - Roberto Murolo

Nu bellu figliulillo zampugnaro
Che a Napule nun c'era stato ancora
Comme chiagneva, 'nnante a lu pagliaro
Quanno lassaje la 'nnammurata fora
E a mezanotte, 'ncopp'a nu traíno
Pe' Napule partette da Avellino

Ullèro, ullèro, buono e sincero
Da lu paese, a Napule arrevato
Nce cammenava comm'a nu stunato

E succedette ca na bella sera
Jette a cantá a la casa 'e na signora
Tappéte, luce, pavimente a cera
Ricchezze maje nun viste fin'a allora
Ma se 'ncantaje, cchiù assaje de sti rricchezze
Pe' ll'uocchie d"a signora e pe li ttrezze

Ullèro, ullèro, fuje nu mistero
Quanno jette pe' vasá â signora 'e mmane
Zitto, sentette 'e dí, "Torna dimane"

Cielo, comme fuje doce 'sta nuvena
Ca ll'attaccaje cu n'ata passione
E se scurdaje d'ammore 'e Filumena
Ch'era fatecatora e bona bona
Ma ll'urdema jurnata ca turnaje
Chella signora, â casa, 'un ce 'a truvaje

Ullèro, ullèro, sturduto overo
Avette ciento lire e 'sta 'mmasciata
"Scurdatavella, chella è mmaretata"

'Na casarella 'mmiez'a li mmuntagne
'Nu fucularo cu 'nu cippo 'e pigne
La neve sciocca, 'na figliola chiagne
Chisà 'stu lietto 'e sposa si se 'ncigna
P' 'a strada sulitaria d'Avellino
Nun sta passanno manco 'nu traìno

Ullèro, ullèro, cagna penziero
Sta sotto a 'nu barcone appuntunato
Poveru zampugnaro 'nnammurato