Ahsan Men Keter

اوقات بخاف من الدنيا وارضى بوحدتى
واقول لروحى انا برضه احسن من كتير
وارجع واقول لو بس احب هيجرى ايه
الدنيا حلوه ولسه برضه الناس بخير
نفسى احب انا بس خايفه قلبى لو فرطت فيه
وانجرحت ساعتها ممكن اعمل ايه
لو رضيت بالوحده خايفه يلومنى قلبى والوم عليه
واحنا من وحدتنا خدنا ايه
ايام كتير من عمرى راحت عيشتها
مش عارفة ليه حاسه كأنى معشتهاش
كلمة حبيبى كلمة عمرى ما قلتها
بس يمكن وقتها لسه مجاش
نفسى احب انا بس خايفه قلبى لو فرطت فيه
وانجرحت ساعتها ممكن اعمل ايه
لو رضيت بالوحده خايفه يلومنى قلبى والوم عليه
واحنا من وحدتنا خدنا ايه
اوقات بخاف من الدنيا وارضى بوحدتى
واقول لروحى انا برضه احسن من كتير
وارجع واقول لو بس احب هيجرى ايه
الدنيا حلوه ولسه برضه الناس بخير