Текст песни Ire Beiz - Tinu Heiniger

We mer üs jetz nach Jahre ire Beiz mau wieder gseh
De si mir angersch wurde und ou scho chli meh
Kaput vo au däm, wo sit denn isch gscheh
Gäu, mängs het ufgschteut, angersch tuet eim weh

Mir si chli müed vom vile Gränne, Lache, Hoffe
Si scho chli zue, wüeu sovieu sinnlos schynt
Düecht di nid mängisch o, es sig doch aus scho gloffe
We d'Angscht eim lähmt, eim aui Chraft wägnimmt

Du redsch vom Huus, vom Hushaut u vom Garte
Vo dine Chnörz mit dine Ching u mit em Ma
I lose zue u nicke u ma fasch nid gwarte
Bis ändlech i vo mir, vo üs verzeue cha

Weisch mängisch haute ni das hie fasch nümme uus
Wüeu's aschysst z'gseh, wie weni, dass mir mache chöi
De wett i der Büntu häregheie u wett druus
U de blibi när glych, wüeu i bi ja nid aley
S'het no ne's paar, wo no nid ufgäh hey
Wo no nid aapasst sy, u wo no läbe wey

Jetz rede ni vo üs, was mir wey, was mir sueche
Vor Frau, vom Gieu, wo scho dasurnerennt u redt
Vo üsne Nachbere im Block, vom lingge Chueche
Was mir dert wetti, was sech tuet u was me sött

I rüefe us gäg ds Kapitau i wirde lüter
"Kämpf doch ou du für ds Proleritat!"
"Das isch doch Schlagwortgschnorr!", seysch du
"Das hieuft nid wyter
Süsch lue doch üs, üser Büezer: Bürger im'ne Bürgerstaat!"

"Was weyt dir Lingge eigetlech?" fragsch du, fasch a lache
Seysch Eigennutz, Profit regiert doch gäng no d'Wäut
Der Mönsch syg schlächt, drum chönni ou mir nüt mache
Gäg au die Lobbys, Multis, gäge ds grosse Gäud

Weisch mängisch haute ni das hie fasch nümme uus
Wüeu's aschysst z'gseh, wie weni, dass mir mache chöi
De wett i der Büntu häregheie u wett druus
U de blibi när glych, wüeu i bi ja nid aley
S'het no ne's paar, wo no nid ufgäh hey
Wo no nid aapasst sy, u wo no läbe wey

U jetz fahrsch wyter, seysch: "Tüet nume opponiere
I tät ja o, we ni no Zyt für settigs hätt!"
Seysch, dass dir gfau, wie ni mit Songs tüeg agitiere
U seysch när glych, es syg doch aues lengschte z'spät!

Vilech hesch rächt, wüeu Bombe, A-Wärk wärde hie glych boue
We me sech wehrt, fahrt irgend so ne Schmier grad y
U schützt die hie, wo nis ds Land u d'Luft versaue
Schützt ihri Ornig, ihres Rächt und ihri Liberty!

Jetz rüefsch em Chäuner, und i säge: "Mir wette zahle!"
Du leysch der Mantu a u seysch, du müessisch hey
Im Radio ghört me d'Abstimmigsresultat vo dä Wahle
Du losisch, lachisch müed u lasch mi när aley!

Weisch mängisch haute ni das hie fasch nümme uus
Wüeu's aschysst z'gseh, wie weni, dass mir mache chöi
De wett i der Büntu häregheie u wett druus
U de blibi när glych, wüeu i bi ja nid aley
S'het no ne's paar, wo no nid ufgäh hey
Wo no nid aapasst sy, u wo no läbe wey