Текст песни Nacht - Tinu Heiniger

Mit dir alleini hockisch i dim Zimmer
D'Cherze si scho längschte achebrönnt
D'Angscht, wo d'gschpürsch i dir inn wird gäng schlimmer
U derby hesch du di doch a ds Angscht ha scho fasch gwöhnt

Schwarz stö d'Böim ir graue Matte
D'Dächer sy ganz tschägget - sie hei no chly Schnee
Näbedrann lost eine gäng di glychi Platte
Wenn är lütter dräit zucksch zäme - jede Ton tuet afe weh

Über Gott u d'Wält fasch afa flueche
Dass so viel kaputgeit fahrt dir gäng vo nöiem y
U ir Wuet, ir Angscht inn fasch a nach dir sueche
Irgendnöime dert drin git's di
Dert muesch ou du sy

U so hocksch allei am Tisch, verlore
Drücksch närvös e Zigarette us
Däichsch a Gieu, wie's gsy isch, wo d'ne hesch gebore
Gsehsch di säuber töif im Dräck in sta - u fingsch nümm drus

Über Gott u d'Wäut fasch afa flueche
Dass so viel kaputt geit fahrt dir gäng vo nöiem y
U ir Wuet, ir Angscht in fasch a nach dir sueche
Irgendnöime dert drin git's di
Dert muesch ou du sy

Du, merksch nid - s'wird langsam häu
Dert wyt hinger uf däm Hoger, zwüsche dene Böim
Schynt dür d'Äscht jetz d'Morgesunne - gäu
Jetze gschpürsch di wieder, di u diner - u ou miner Tröim