Текст песни Jesa - Trinity

Paivepo
Kare kare pasi pasati parohwa nenyundo
Madhongi achinenyanga
Matombo aine nzeve
Paive nemukomana ainzi Jesa
Jesa uyu akange ari nherera
Chaanga ainacho yanga iri ngoma
Yakaasiirwa nemadziteteguru ake iri nhaka
Jesa aiti kana akaridza ngoma vanhu vaiungana
Vachitarisa

Mumwe musi akaridza ngoma
Zvakaburitsa vanhu muminda iri nguva yechirimo
Mwanasikana wamambo ndokuuya pane vanhu vaye achida kuona kuti chii
Akabva atorwa moyo nemaridziro aitwa ngoma naJesa
Iye Jesa paakaona runako rwemwanasikana uyu
Akamuda
Vakaita chinguva vachisangana pasi pemushuku
Asi mambo paakanzwa izvi haana kufara nazvo
Nekuti aiziva kuti mwanasikana wake aida kuroora murombo

Mambo uya ndokuurayisa mukomana uya Jesa
Jesa afa kudaro ndokukumbira Musikavanhu
Kumukumbira kuti anoda hake kudzoka
Aida kudzoka ari shiri kuti agoonawo musikana wake
Zvikanzi naMusikavanhu ita
Jesa uye akabva adzoka

Obva azvikonomhara pamusoro pemushuku
Vanikei pasi pemushuku musikana uya uya arimubishi rekuchema
Kuchema mukomana wake mufi
Musikana uye akazoshamisika kunzwa shiri ine izwi remukomana wake
Ichimuimbira Ichimunyaradza

Vhara maziso zvisarwadze
Haufanirwe kuchema
Handivimbise kukupodza
Asi kana uchida ndichaedza

Ndichakuimbira nziyo
Zvakare hapachisina
Zvataiva zvazoguma
Chokwadi ndachishaya mauri
Waiva mwedzi wechirimo
Waindipa zvandaida
Dai ukawana mufaro
Kose kwauchaenda
Kwauchaenda
Kwauchaenda

Misodzi zvorwadza ndotadza kufara
Ndobaikana hana aiwa inzwa musikana
Taiva tose aiwa chose
Waiwa zvose chisikwa chemuhope
Hope ndoshaya kwenguya ichanaya
Kupanga mazuva aya tiri tose taifara
Sara zvakanaka
Hana yangu bata
Bata mazwi angu
Zvondirwadza pamuyo asi(asi, asi)

Ndichakuimbira nziyo
Zvakare hapachisina
Zvataiva zvazoguma
Chokwadi ndachishaya mauri
Waiva mwedzi wechirimo
Waindipa zvandaida
Dai ukawana mufaro
Kwose kwauchaenda
Kwauchaenda
Kwauchaenda

Musikana akabva ati anzwa izwi remukomana wake akati aiwa
Ndiye mukomana wangu adzoka ndaizviziva
Akati ndotoenda naye nhasi
Musikana ndopaakatanga kuimba kuneshiri

Nezuro pataifamba takataurirana
Pamusoro pekuvaka mhuri
Nekusazivaka
Kuti zvinhu zvichidai
Mafaro aivepo
Sei zvinhu zvichidai

Musikavanhu akanzwa tsitsi
Nevana vaviri ava
Ndokushandudza musikana uye kuita shiri
Kuti shiri dziye dzichaenda dzese
NaJesa mumushuku

(Waiva mwedzi wechirimo
Waindipa zvandaida
Dai ukawana mufaro
Kwese kwauchaenda
Kwauchaenda
Kwauchaenda)

Pese paunoona majesa ari maviri
Mumushuku
Unofanira kuziva kuti ndiJesa
Nemwanasikana wamambo

Apa ndipo pakafira sarungano...