Текст песни Voun - Zanmari Baré

É la di lanvi lanvi lanvi lanvi
É sa zoli tangati
É sanm twé ma fé mon vi
Bé pou fagote in paradi

É si domin wi na pi travay
É dann in gouni déssi la pay
É nout vié paran té y batay
Konm zot na tienbo drède pour bann marmay

É mazine saroy dolo kanal
É na ross lavé pou do piès sal
É sa la masine té anfou pa mal
Bé té rouv nout linz dosou zétwal

É porte si sombli paké bwa fann'
É na rod in pé bwa nwar dann cann'
É na tri vitman d'ri dan la vann'
Bé lo vant i kri i di kèl èr mi nanm

É la kaz bilon kalou lé lour
É na kraz piman rouz la kour
É banm marmay wa ni fé in tour
Bé wi na da zot manzé lamour

É k'em pi larzan fantézi
É na alonz si in sézi
É na 'mann momon kaline Sizi
Bé wi na di a zot vey si nout vi

É wariv ant nout dé ou in grony
Non kalkil pa sa in nafèr i sony
A vey li souf si ou ensou li rony
Pangar na ankor d'van nou in ta koud kony

É a rien si ni giny pa suiv la mode
É na mène ti lamp ti lamp nout vi en dobe
É ki lantouraz santié ni rode
Belmène somin Morèl la kaz Mamode

É afèr afèr dérièr brizan
Rèv in gran péï in kontinan
É gèt nout isi gèt nout toultan
Bé kosa i lé nout vié volkan

É koman koman do bwa wi na planté
É na 'mamn demoun a tèr domoun gabié
Bernar Zanik Florans Aliète oté
Bé in gran lonbraz pou anparé

É ni la pa pass légliz Sin Lwi
É kom bann nika la ris a wi
É papa bondié la i puni
Béni arpa nout gran zézi kri

É la di lanvi lanvi lanvi lanvi
É ou mème out tangati
Fiyèt sanm twé ma fini mon vi
Bé pou kashièt in paradi

É si nout dé twé va ni gramoun
É ni s'ra pi gran soz zis dé koukoun
É na gèt nout vié kor la i désoul
Bé touzour lamour brile kom an voun

É la la la la la la
Té sa lamour la kap a nou gaté
É la la la la la la
Tizane nout kor nout kèr nout lam oté
É la la la la la la
Premié débu na té pa maziné
É la la la la la la
Dan nout ravin li meme la débordé
É la la la la la la
Té sa lamour la kap a nou gaté
É la la la la la la
Tizane nout kor nout kèr nout lam oté
É la la la la la la
Premièr débu na té pa maziné
É la la la la la la
Dan nout ravin li meme la débordé
É la la la la la la