Текст песни Qatar Elmoot - حمو الطيخا

ياه ع الدنيا غريبة مبقاش موجود فيها طيبة
الجدعنة صبحت عيبة، ربحت ويا بشر أيطة
فين أصحابي يا زمان، فين إخواتي وأحلى جيران
هجروا وسابوا أحلى مكان، مبقاش في غير ناس واطية

أنا خصمت ناس مداس رخاص مبيحبوش غير نفسهم
أنا مكبوت هموت يا موت ناديني بس إبعدني عنهم
أنا جضيت بقيت ياريت ما شلت بشر خانت قلبهم
ما كفاية هم حرق دم عيب يا عم الغدر على وشهم

بتعاملوني تلاتات إزاي وأنا قولت دول إخوات
أمال لو أخصام خواجات كنتوا ضربتوني بالنار
بهديكوا قلبي ليكوا، شاف الموت على إيديكم
سعر القلب عالي عليكم تمنوا نص مليون دولار

شارع الترعة المردومة
أعدائنا صبحت مرحومة
أحمد الحج مالوش خصومة
وحودة الحنش مسا للأفتار

من وأنا شبل لسه حصة حصة كنت بحارب الوحوش
حبة في حبة هوبا هوبا إسمي إتلقب قائد الجيوش
اللي لعبني هجمة مات بقيت موجود ما تتهزوش
إسمي ركنكوا فينكوا لو سمعتوا إنزلوا جولة ما تتخضوش

طب يا زمالة بأمان إنت زميلي ولا عدوي أنا
أنا عارفك صاحب الغرقانة مش صاحبي يا صاحب فركة
عمري بيجري بسرعة يومي كالآتي حرب مصارعة
اللي ما شفش قالي والعة، إرحم أمي ده أنا في بركة

لما يبعني صاحبي ضهري قلبي يبقى الخصم يعمل إيه
لما تلاقي الحبيب يغيب هيبقى قلبي لمين وليه
لما تكون راسم طريق ويبقى آخره فشل هتحس بإيه
يبقى عوضنا ع اللي جبنا واللي راح قدره مش باقي عليه

قطر الموت خطاف
يوم ورا يوم بدأت أخاف
أقرب ناس أنا أكلوني حاف
دي حريم مساعير أكلوني

شارب النار بالكوم
أنا شبعان أحزان وهموم
عيني أنا ما شفتش النوم
بفتكر اللي جرحوني

ياما عشرت خلق عاوزة حرق إبعدوا غوروا من سكتي
ليا حبيبتي بنت قلبي هي دية شالتني في شدتي
هي الحب كله مش هحله دي اللي حلت دنيتي
بدعي ربي تبقي ليا نفسي تبقي عشاني من قسمتي

نفسي أتوب من الكيف
نفسي أقابل حد نضيف
ليه كل اللي بشوفه مخيف
شايف نفسه يابا البيج شو

كل ما أفوق بتسطل
كيف ورا كيف بتقتل
مخي من اللي بشوفه عطل
فرحي تملي بينطق نو