Lyrics T-Jr (feat. Ahmed Soultan) - Ahmed Soultan , Don Bigg

كنت كانشوفك غير فالحلم
كانشوف شحال حلمات جداك الله يرحمها تشدك بين يديها
ساعة ساعتها شداتها قبل ماتجيبها
هلكها المرض القدر قال للكونصير غير ديها
شحال دوات ليا عليك
قالت ليا ماتخافش هاهو غايخرج كايشبه ليك
عندك الصح اميمتي تاهو راسوا قاصح
كولشي بالجهود كيفاش ولا مابين الحيوط كايتصاطح
وايييه ، كانشوف عينين جدك مدمعين نهار شدك بين يديه
وايييه ، شفت وجه ماماك رجع فيه الدم من بعد مالوجع دار فيها
شفت راسي فالمراية ملي هزيتك أول مرة عيني فعينك وضحتكي گاعما مليتك
واخا نهزك مية عام فوق كتافي ولدي نتايا قبل مانعرفك راني تمنيتك
كانحلم نشوف هاز شكارة فوق كتافك ، ماشي بحال مول الشكارة كادور تالف
دور ثاني دور ثالث شوف شكون لي وراك قبل مايتشرگوا الوراق و نقولك گلتهالك
واييييه تفرجت فالفيلم جوج مرات ، عرفت التسطية ماتت ، القراية برات
و بغات ميخة أنا مابغيتها عرفت الفن غايجرني فبلاد المرقة البايتة
ماكانگولش ليك دفل فالحريرة من تمد
غير عرف اشنو كاتاكل و غير ربك لي تحمد
أو خطا ليا الرفاقة لي فصغري مليتها حيت عمرها ماتعطيك راس الخيط من نيتها
دير بلاصتك وسط بلاد المضرة ، مابغيتش نسمعك شي نهار كاتقول نهرب لبرا
بغيتك ملي دوز يعطيوك السلام ، بغيت ملي ندوز نسمعهم كايقولوا ولد فلان
أرا ستيلو أرا ورقة نقيد ليك سبعة دالحوايج غادي نفكرك فيهم كل نهار ماحدي عايش
أول حاجة تكون لول ، يقولوا لي بغاو يقولوا على تاقندوح ماتعول
ثاني حاجة هي ميمتك تهلا فيه ، دور و توصل ما بغيتي الجنة تحت رجليها
ثالث حاجة دير لعاقة ماتخليش اللعاقة ديرك ، كون نقي مع راسك و خرج فالحقادة ديريكت
رابع حاجة ساهلة كون بحال باك ، راسك قاصح مامسوقش و دير داكشي لي عليه رباك
الخامسة ماتربي الكبدة على تاشيحاجة ، لي بغاها الله غاتكون و عول عليه و ديما تفاجا
سادس حاجة كون تصلي كون تزكي بلا كذوب ديما ديريكت كون تصفي كون مصفي
سابع حاجة سمي بسميتي ملي يجي ، و قرا عليا شي بركة ملي نمشي