Lyrics Lamento di Maria - Eleonora Bordonaro

Tutti vui considerati, chi passati 'pi la via
Si mai pena arritruvati simili alla pena mia
Piangiriti con pietadi cundulenduvi di mia
Lu miu figghiu vidiriti mortu 'n cruci, amara mia!
Tuttu chinu di feriti, cui di vui nun chianciria?

Donni tutti pi la strata, mi fariti cumpagnia
Chi su' matri scunsulata, persa, sula, alla strania
Figghiu, comu pozzu fari, chi su persa, amara mia!
Nuddu ajutu ti po dari la scuntenta di Maria

Figghiu, la tua bella testa, chi era tantu dilicata
Nun si 'sta timpesta, mentri 'i spini è 'ncurunata
Figghiu, lu to bellu visu, ch'era un tempu stralucenti
Facia in terra un paradisu, ora è un mare di turmenti
Undi sunu li capiddi chi pareunu fila d'oru?
Nun ci sunnu chiu di chiddi, tutti scippati ti foru

E si miro li to pedi, manu e latu lacerati
Attaccati cu tri chiova e cu lanci di surdati
E lu chiantu mi rinuova caminannu pi li strati
Non haju amici e né parenti chi mi fanu compagnia
Sula, afflitta, amaramenti chiangirò la pena mia

Non haju amici e né parenti chi mi fanu compagnia
Sula, afflitta, amaramenti chiangirò la pena mia