Lyrics 債(葉德嫻) - LMF

葉：當天衝動不理結果 怎可分清楚
你怪我我怪你難以負荷
一息間的失控 實在沒法躲
這記耳光已無情地絕望地剩下我一個

MC仁：究竟你係邊一種父母
有句說話老豆養仔仔養仔 你送佢去 (葉：等你返嚟)
係想佢做一個黃皮膚嘅鬼仔
定係想個女淨係識得落蘭桂湊鬼
你要繼續投機 俾多多錢 (葉：你要讀書俾心機)
你唔要有你哋嘅代溝
又pet佢去地球嘅另外一面 問你點收
但你可能覺得自己無本事
孭唔起家呢一個字 (葉：家呢個字)
你唔俾佢呢樣嗰樣 驚佢學壞
但養佢又無Dum心機 睇住佢大
呢一個仔 由細到大 (葉：由細到大)
點都覺得自己父母 一世失敗
只不過佢哋又係 咁樣捱大
個包袱咁大 幾時至還清呢一筆兒女債

葉：當天衝動不理結果 怎可分清楚
你怪我我怪你難以負荷
一息間的失控 實在沒法躲
這記耳光已無情地絕望地剩下我一個

MC仁：如果當初妳唔係咁樣嘅態度
今時今日 又點會行錯咗呢一條路
葉：我與你蹤使有錯難解開心裡鎖
MC仁：假如妳真係努力過 咁從頭嚟過
我諗 又會係另外一個結果
葉：悲哀的心輕輕撫摸 越錯誤越逃避我

Kit：日日返親屋企都係見度家嘈屋閉
你教我點樣可以繼續再留低 (Phat：唔想留低)
同佢傾親偈都係講埋D錢銀問題
有無關心過我日常生活嘅一切
Phat：點解由細到大都係自己去解決問題
阿媽妳為咗自己拋低屋企冇再返嚟無所謂
俾人睇低 俾人當我係孤兒仔
同老豆一齊都不過係為咗發生關係

葉：當天衝動不理結果 怎可分清楚
你怪我我怪你難以負荷
一息間的失控 實在沒法躲
這記耳光已無情地絕望地剩下我一個

Wah：我 回頭又再遇從前
落寞伴著落日 往昔家中的抱怨
葉：我 願為你花去力氣
告別舊有隔膜 讓我跟你在一起

Kit：成日叫我學吓邊個邊個邊個個仔
做份乜嘢工 讀緊乜嘢系
我想話俾妳知生我出嚟唔係同人比賽鬥威
唔好成日攞我嚟同人哋比高低
Phat：時間一轉眼 點追都追唔番
諗番起細過又曾經作反出去玩
唔想番屋企覺得屋企好煩
書又唔讀 工又唔番 玩到唔知時間
光陰一去不返

Kit：冇得揀 做人都係得果幾廿年時間
我諗一諗 供書教學其實都好大負擔
Phat：我哋嘅出世就好似一張簽爆咗嘅信用卡
分期攤還 最後發覺回頭太難
Kit：我諗都係時候平心靜氣坐番低
去彌補同母親惡劣嘅關係
Phat：呢個世界根本就冇解決唔度嘅問題
最怕你自閉 自己越轉越迷