Lyrics Sevdiyim Qız - Sövkət Ələkbərova

Hələ quşlar uçmamışdı budaqdan
Günəş girdi otağıma, səpdi nur
Gülə-gülə dedi mənə, yatma, dur
Sevdiyin qız oyanmışdır bayaqdan
Gülə-gülə dedi mənə, yatma, dur
Sevdiyin qız oyanmışdır bayaqdan

Yol uzunu sərin yeli səhərin
Toxundurdu nəfəsini üzümə
Sevdiyim qız görünmədi gözümə
Geniş, qaynar qucağında şəhərin
Sevdiyim qız görünmədi gözümə
Geniş, qaynar qucağında şəhərin

Mən zavodun həyətinə gələndə
Elə bildim, səhər təzə açıldı
Üstümüzə al şəfəqlər saçıldı
Sevdiyim qız mənə baxıb güləndə
Üstümüzə al şəfəqlər saçıldı
Sevdiyim qız mənə baxıb güləndə
Güləndə, güləndə