paroles de chanson Belesuan - Bereket Tesfaye

በለሷን ፍሬዋን የጠበቀ
ይበላል ትግስቱ ያላለቀ
ጌታውን የጠበቀ ሰው
ስፍሪዬን አለቅም ያለው

እሱ ሰው ከበረ አሄ
ጌታን ያከበረ
እሱ ሰው ከበረ አሄ
ጌታን ያከበረ

ስሞዖን ትጉህ ሰው ፃድቅ ሰው ነበረ
አያለው ቅዱሱን እያለ የኖረ
ሲጠብቅ ቆይቶ ህፃኑን ሲያየው
እጆቹን አንስቶ እንደዚህ አለው

ለህዝቦች ሁሉ መድኃኒት መድኃኒት
የሆነውን እሱን ስላየሁት ስላየሁት
መኖር አልሻም ውሰደኝ በቃ ውሰደኝ በቃ
በፅድቅ የኖርኩት እሱን ጥበቃ ጌታን ጥበቃ

ለኔ ስኬት ለኔ ስኬት
ለኔ ስኬት ልጁን ማየት
ለኔ ከፍታ ለኔ ከፍታ
ለኔ ከፍታ ፊትህ ነው ጌታ

ያርስ የለ ወይ በበጋ ልቡን ጥሎ
ገበሬው አምኖ ይዘንባል ብሎ
በደረቅ መሬት አምኖ ያረሰ
በክረምት እርሻው እረሰረሰ
እኔው እጠብቅሃለው
መውደዴን በዚ አሳይሃለው
አንድ ቀን ዓለም እያየህ
ልትወስደኝ ትመጣልኛለህ

እስክትመጣ እስክትመለስ
እጠብቅሃለው ውዴ ኢየሱስ
ጠነከረብኝ ፍቅርህ በረታ
በቶሎ ናልኝ የህይወቴ ጌታ

በለሷን ፍሬዋን የጠበቀ
ይበላል ትግስቱ ያላለቀ
ጌታውን የጠበቀ ሰው
ስፍሪዬን አለቅም ያለው

እሱ ሰው ከበረ አሄ
ጌታን ያከበረ
እሱ ሰው ከበረ አሄ
ጌታን ያከበረ

ፍጻሜው ክብር ነው አንተን መጠበቄ
መብራቴን አብርቼ ወገቤን ታጥቄ
እጠብቅሃለው እስክትመለስ
ሙሽራው አዳኜ ጌታዬ ኢየሱስ

ፊትህን እንዳይ ተርቤ የለ ወይ እርቦኝ የለ ወይ
ለጥቂቶች መዳን ብትዘገይ ብትዘገይ
ጨመረብኝ ፍቅርህ በየዕለቱ በየዕለቱ
ተናፍቀሃል ኢየሱስ የናዝሬቱ የናዝሬቱ

እስክትመጣ እስክትመለስ
እጠብቅሃለው ውዴ ኢየሱስ
ጠነከረብኝ ፍቅርህ በረታ
በቶሎ ናልኝ የህይወቴ ጌታ