paroles de chanson Ka Ta Da - Helio Batalha

Nsa bem konta nhos um stória
Um stória tristi
Sim pamodi é tristi ki omis ta txora
Kantu bes ki n txora
Kantu bes kes diskriminam só pamodi nha kor di pele
Es txomam di mandjaka la skola, n txora, n txora
Inda más tristi óki es disprezo ta bem di bu propi rasa

Mamadou sai di Guiné ku 20 di idadi
Bem pa CV ku munti planu muda rialidadi
Dentu Bissau dexa familias tudu ku sodadi
Ku speransa Mamadou muda nisisidadi
Dentu di Praia Mamadou grandi trabadjador
Ta koba txom dentu di sil, mon karegadu suor
E tra di bolsu fotu di si mai, laguas kai
E fla tudu ta muda, sinku anu n tem ki bai
Mamadou munti bes dja pasa mal
Oji é dia ki patron na pagamentu injurial
Ê na zona tudu dia jovem so ta inguisal
Ês ka ta respetal só di mandjaku es ta txomal

Ê fla mi é forti, ma ka tem nada más ki ta paral
Pa se familia trabadju ka ta matal
Ma alves ê ka ta aguenta, lagua ta baza
Óki dor invadi petu e kurason ta fala

Vivi nes angustia, manu ka ta da
Tratamentu moda bitxu, manu ka ta da
Fomi ku mizeria, manu ka ta da
Prekonseitu na trabadju, manu ka tada
Ser umanu ku djuda, ma ka ta da
Tristi realidade da vergonha fla
Ka bu txomam mandjaku, manu ka ta da
Afrikanu moda bo, nha manu kontrola

Ma ê txora, tudu bes ke lembra na se mai
Sodadi di se tera ta pol lagua kai
Ma ê txora, tudu dia ê sa ta pensa bai
Ê fla ê sa fartu prekonseitu, na me sa ta bai
Ê txora, tudu bes ki jovens inguisal
Ê fal me feiu ma se rostu é ka normal
Ma ê txora, tudu bes ki emprezas sa sploral
Onti fazi mas di um mes ma inda es ka pagal

Ibraima é vendedor ambulante
Ta anda zona a zona ku banhera na se dianti
Ta kata poku poku ma Ibraima sa konfianti
Ê fla sa djunta moeda paga se mai um transplanti
Se mai tem andadu na Guiné dentu di ospital
Ibraima ntom ka ta diskansa na si kabidal
Oji é dia kobra divida, oji é fim di mes
Oji vizinhu tem ki paga fazi kuatu mes
"Min ka ta debi branku, ki fari pretu moda bo
Toma bu moeda, sai di nha porta antes din dou ku mo
Nunka mas trividu, mandjaku di nosekê
Ba bu téra makaku, sa txera mofu també"

Ê fla mi é forti, ma ka tem nada más ki ta paral
Pa se familia trabadju ka ta matal
Ma alves ê ka ta aguenta, lagua ta baza
Óki dor invadi petu e kurason ta fala

Vivi nes angustia, manu ka ta da
Tratamentu moda bitxu, manu ka ta da
Fomi ku mizeria, manu ka ta da
Prekonseitu na trabadju, manu ka tada
Ser umanu ku djuda, ma ka ta da
Tristi realidade da vergonha fla
Ka bu txomam mandjaku, manu ka ta da
Afrikanu moda bo, nha manu kontrola

Ê txora, tudu bes ke lembra na se mai
Sodadi di se tera ta pol lagua kai
Ê txora, tudu dia ê sa ta pensa bai
Ê fla ê sa fartu prekonseitu, na me sa ta bai
Ê txora, tudu bes ki jovens inguisal
Ê fla me feiu ma se rostu é ka normal
Ê txora, tudu bes ki emprezas sa sploral
Onti fazi mas di um mes ma inda es ka pagal

Mariana txora, txora, txora
Tudu bes kes txomal mandjaka
Mariana txora, txora, txora
Na koredoris di salas di aula
Oh oooh, se fitxa odju ki lagua ta pinga
Oh oooh, ê fla me forti ê ka ta dizanima

Ê txora, tudu bes ke lembra na se mai
Sodadi di se tera ta pol lagua kai
Ê txora, tudu dia ê sa ta pensa bai
Ê fla ê sa fartu prekonseitu, na me sa ta bai
Ê txora, tudu bes ki jovens inguisal
Ê fla me feiu ma se rostu é ka normal
Ê txora, tudu bes ki emprezas sa sploral
Onti fazi mas di um mes ma inda es ka pagal

"Dja tem tempu um bokadu des polémika
Kel nome asim, kel nomi ki es ta kumenta ku nos
Kes ta fla mandjaku, dja bu ntendi
Kela é um nomi ki pa mi nta atxa ma é feiu"