paroles de chanson 無根草 - LMF

我相信人原來本性好 白紙一張
睇你點樣創造 善與惡 癲左都好
我地點樣對佢 佢點樣照做
你對佢唔好 佢有放棄嘅態度
你對佢當寶 好似溫室裡面無根的小草

我唔需要點樣去做 因為我老豆已經當我寶寶
好到乜野地步 我要啲乜都一一面前送到
當你唔需要再理你個銀行存摺薄
因為有咩事直接由你老豆度過數
個世界仲邊有欠你 你唔再係細路
係你身邊 總有人向你搵著數 害人利已點計數
你聽佢擺佈 你真係老土 行多一步 睇多一步
如何認清 如何認楚 何苦偏偏你又出賣我
繼續傷害我 每日侵蝕我
背後恥笑我 最後剩低我

我相信人原來本性好 白紙一張
睇你點樣創造 善與惡 癲左都好
我地點樣對佢 佢點樣照做
你對佢唔好 佢有放棄嘅態度
你對佢當寶 好似溫室裡面無根的小草

問你有無照鏡 睇下自己個樣 有冇覺得自己唔同
覺得自己老土 覺得自己離曬大譜
飲吹嫖賭光陰虛耗 開工又唔睇通告
問你係咪 係呢一度做人就一定要有番咁上下虛偽
要眼淺要投機 淨係得金錢先至叫做美麗
又有乜謂 六佰幾萬個腦 但係裝草 你話弊唔弊

餵你又試下睇下我又睇下佢
睇下我地睇下佢地睇下你自己
你話有邊一忽係得嘅 有邊一樣係掂嘅
我問你究竟識啲乜嘢 你又答唔出黎
我問你有無野講 你有無野講
你乜都唔知唔諗唔問 又點去唱好香港
匿埋係個井入面 自己呃自己
人跟你又跟 人講你又講
你話死唔死 你話死唔死