paroles de chanson Ddoj Madonne - Maria Nazionale

Aggio vuluto bene a doje Madonne
Ll'aggio vuluto bene pe' tant'anne
Una, 'a tenevo dint' 'o core mio
N'ata, 'a pregavo dint' 'a casa 'e Dio

Mo sóngo nu spergiuro
Só' n'ombra nera ca p' 'o munno gira
'A quanno, pe' n'ammore
Chist'uocchie mieje só' 'nfuse'e chianto amaro

Aggio vuluto bene a doje Madonne
Chella d' 'a cchiesa manco 'a veco 'a n'anno
Chi sa pecché nun saccio cchiù pregá
E tu, da 'o cielo, oje má'
Prega p' 'a fá turná

Stanotte mamma mm'è venuta 'nzuonno
Cu 'a voce 'e quanno mme cantava 'a nonna
Mm'ha ditto: "Figlio, chella se n'avanta
Ma fatte 'a croce tu cu ll'acqua santa"

Aggio vuluto bene a doje Madonne
Chella d' 'a cchiesa manco 'a veco 'a n'anno
Chi sa pecché nun saccio cchiù pregá
E tu, da 'o cielo, oje má'
Prega p' 'a fá turná