paroles de chanson Sonatorrek - Wardruna

Mjǫk erum tregt
Tungu at hrœra
Með loptve'tt
Ljo'ðpundara;
Esa nu' vænligt
Of Viðurs þy'fi
Ne' ho'gdrœgt
O'r hugar fylgsni
Esa auðþeystr
þvi't ekki veldr
Hǫfugligr
O'r hyggju stað
Fagna fundr
Friggjar niðja
A'r borinn
ór Jǫtunheimum
Lastalauss
Es lifnaði
A' nǫkkvers
Nǫkkva bragi;
Jǫtuns hals
Undir þjo'ta
Na'ins niðr
Fyr naustdurum
Þvi't ætt mi'n
A' enda stendr
Hreggbarnir
Sem hlynir marka;
Esa karskr maðr
Sa's kǫggla berr
Frænda hrørs
Af fletjum niðr
Þo' munk mitt
Ok mo'ður hrør
Fǫður fall
Fyrst of telja;
þat berk u't
O'r orðhofi
Mærðar timbr
Ma'li laufgat
Grimt vǫrum hlið
þat 's hrǫnn of braut
Fǫður mi'ns
A' frændgarði;
Veitk o'fult
Ok opit standa
Sonar skarð
Es me'r sær of vann
Mjǫk hefr Rǫ'n
Of rysktan mik
Emk ofsnauðr
At a'stvinum;
Sleit marr bǫnd
Minnar ættar
Snaran þǫ'tt
Af sjǫlfum me'r
Veizt ef sǫk
Sverði rækak
Vas ǫlsmið
Allra ti'ma
Hroða va'brœðr
Ef viða mættak
Fo'rk ægis
Andvi'gr mani
En ek ekki
Eiga þo'ttumk
Sakar afl
Við sonar bana;
þvi't alþjo'ð
Fyr augum verðr
Gamals þegns
Gengileysi
Mik hefr marr
Miklu ræntan
Grimt es fall
Frænda at telja
Si'ðan 's minn
A' munvega
ættar skjǫldr
Af li'fi hvarf
Veitk þat sjalfr
I' syni mi'num
Vasa ills þegns
Efni vaxit
Ef randviðr
Røskvask næði
Unz hergauts
Hendr of tœki
Æ le't flest
þat 's faðir mælti
þo'tt ǫll þjo'ð
Annat segði;
Me'r upp helt
Of herbergi
Ok mitt afl
Mest of studdi
Opt kømr me'r
Ma'na bru'ðar
I' byrvind brœðraleysi;
Hyggjumk umb
Es hildr þro'ask
Ny'sumk hins
Ok hygg at þvi'
Hverr hugaðr
A' hlið standi
Annarr þegn
Við o'ðræði;
þarfk þess opt
Við þra'gǫrum
Verðk varfleygr
Es vinir þverra
Mjǫk 's torfyndr
Sa's tru'a knegum
Of alþjo'ð
Elgjar galga
þvi't niflgo'ðr
Niðja steypir
Bro'ður hrør
Við baugum selr
Þat 's ok mælt
At mangi getr
Sonar iðgjǫld
Nema sjalfr ali
Ne' þann enn
Es ǫðrum se'
Borinn maðr
I' bro'ður stað
Erumka þekt
þjo'ða sinni
þo'tt se'r hverr
Sǫ'tt of haldi;
Burr 's by'skeyðs
I' bœ kominn
Kva'nar sonr
Kynnis leita
En me'r fens
I' fǫstum þokk
Hrosta hǫfundr
A' hendi stendr;
Ma'ka upp
I' aroar gri'mu
Ry'nnis reið
Re'ttri halda
Si'z son minn
So'ttar bri'mi
Heiptugligr
O'r heimi nam
þanns ek veit
At varnaði
Vamma vanr
Við na'mæli
Þat mank enn
Es upp of ho'f
I' Goðheim
Gauta spjalli
ættar ask
þanns o'x af me'r
Ok kynvið
Kva'nar minnar
A'ttak go'tt
Við geirs dro'ttin
Gerðumk tryggr
At tru'a hǫ'num
A'ðr vinan
Vagna ru'ni
Sigrhǫfundr
Of sleit við mik
Blœtka þvi'
Bro'ður Vi'lis
Goðjaðar
At gjarn se'ak
þo' hefr Mi'ms vinr
Me'r of fengnar
Bǫlva bœtr
Es et betra telk
Gǫfumk i'þro'tt
Ulfs of ba'gi
Vi'gi vanr
Vammi firða
Ok þat geð
Es gerðak me'r
Vi'sa fjandr
Af ve'lǫndum
Nu' erum torvelt
Tveggja ba'ga
Njǫrva nipt
A' nesi stendr;
Skalk þo' glaðr
Go'ðum vilja
Ok o'-hryggr
Heljar bi'ða