paroles de chanson 成長第四部曲 - 農夫

飲杯酒我幫你倒 點支煙借火我冇
年輕的你都 開始見到 髪線有啲白毛
飲多杯你幫我倒 整多飛借火我冇
大家都老 冇乜恐怖 到老有老的路途 我帶路

老友 你以前冬天都著短袖
好快你夏天都著褸 以前你打機打到機不離手
到買咗啲 game 淨係擺喺台頭 由槍槍爆頭到最後接受
真係唔夠 啲靚仔鬥 好快你會講養生
開冷氣又唔肯 食炸嘢又唔敢
凍嘢又唔飲 但係夜又唔肯瞓
以前你仲係細路 成日話唔好 理我啦老竇老母
到你做人父母 又會苦惱 俾啲仔女搞到好燥
你投訴樓價高 到離譜 你要租到離島
到你買到兩廳一套又一路想佢高
啱啱出到嚟做嘢 見到班老嘢 覺得係廢嘅 好 hea
到你做老闆 又話班後生 懶 散漫 又貪
唔同嘅年紀 唔同嘅角度 唔同嘅矛盾 同一條路
細路 睇到 廢老 喺到 擋路 講到 冇樣 嘢好
終於 見到 自己 變老 殊途 同路 換個 角度
點做 點做 好

飲杯酒我幫你倒 點支煙借火我冇
年輕的你都 開始見到 髮線有啲白毛
飲多杯你幫我倒 整多飛借火我冇
大家都老 冇乜恐怖 到老有老的路途 我帶路

飲返杯 以前你 飲通頂都奉陪
而家話易攰 第二朝又要開會
冇啦啦 生酮飲食法 斷食 168
已經好耐冇自拍 開始少少 M 字額
你開始多咗想當年 講以前
慨嘆個世界變 係變老嘅表現
心入面嘅少年係世界嘅焦點
永遠懷緬只有得自己嗰代係掂
佢話塞錢入你袋 你話老嘢彈開
最傷害係兩代都想逼對方去改
佢唔逼你聽劉華 你都唔駛逼佢聽嘻哈
嗰陣你阿媽個阿媽話 梗係聽帝女花
八十後都曾經 係廢青嘅代號
到今日 全部中女中佬
十七年華 眨嚇眼變 大叔大媽
到時又會有後生出嚟謾罵 你唔理解佢文化
你會選擇摑佢一巴 定係聽完就罷
耳又聾 眼花花 不如話 反正大家
最後都變老人家 放鬆吓 放下
老要老得優雅

飲杯酒我幫你倒 點支煙借火我冇
年輕的你都 開始見到 髮線有啲白毛
飲多杯你幫我倒 整多飛借火我冇
大家都老 冇乜恐怖 到老有老的路途 我帶路