Текст песни Al Matar - Al Wasmi

يالله بمزن ٍماطــــــرن نستخيله
يهمي بجودن من سحايبه هتان

يبطي له ايام ايتراضـــف هميله
تلضي بروقه و مرعده يبات دنّان

يا لين تحيا به القفار الـــمحيله
تعشب منابيته وتخضرّ الاغصان

و تبهج هماليله نفوسن عليـــله
تفرح ليود الغيـث و الجو لي زان

مع ربـــعة اللي له طبايع أصيله
محفوظ قدره دايــمٍ مول ماهان

رافق لك اللـــــي ما يمن بجِميله
وعند المواقف يتضح طبع الانسان

السامي اللي ما تبع كل مــــــيله
وعلى يمينك تذخره لجـور الازمان

والا الردي جنّبه و احذر تجي له
لا صكّـت الحلقة تراها ع الابطان

كم من سعادة في الامور القليلة
لكن شغلنا عنّها بعـــض الاحزان

ولا كل شخصٍ تستهم لـــــرحيله
ترى الفراق لصالحك بعض الاحيان

والـــــرزق بيد الله تعالى و كفيله
ماهو بيدّ فــلان وفــلان و فـــلان

يا ربي ياللي بالــــــدعا نلتجي له
تغفر لنا الزلات يا عالي الشان