Текст песни Maach et joot - Bläck Fööss

Maach et jot, mer sin uns widder.
Maach et jot, un kumm jot rüvver.
Bestell dem Herrjott 'n schöne Jroß,
Ov et wirklich nüdig wor,
Dat de su früh jon mots.

Et Levve es wie e Leed, e Melodieche,
Dat erop un erunger jeiht.
Met Strophe för ze laache
Oder et Hätz dr schwer ze mache.
Doch ejal ov en Sinfonie
Oder en janz kleine Melodie,
Sulang et och jeiht,
Irjendwann kütt immer et Eng vum Leed.

Maach et jot, mer sin uns widder.
Maach et jot, un kumm jot rüvver.
Bestell dem Herrjott 'n schöne Jroß,
Ov et wirklich nüdig wor,
Dat de su früh jon mots.

Als Minsch kannste et nit verston,
Die eine kumme, die andere jonn.
Dr Dud spillt an de Uhre,
Löt sich nit in die Kaate lure.
Doch jenoch mit dr Philosophie,
Wenn eine jeiht, jo dann deit et dir wieh.
Wenn de nix mieh mache kannst,
Usser ze kriesche, wie ne Panz.

Maach et jot, mer sin uns widder.
Maach et jot, un kumm jot rüvver.
Bestell dem Herrjott 'n schöne Jroß,
Ov et wirklich nüdig wor,
Dat de su früh jon mots.