Текст песни ناس بترقص و ناس بتموت Nas Betoros We Nas Betmoot - Cairokee

الحقيقة واضحة وضوح الشمس .
لكن ممنوع الاقتراب او اللمس .
كلمة الحق فى زمانا انتحار .
لو قلتها تبقى ماشى عكس المسار .
عندى بدل الامارة الف امارة .
مالكوم اكس وغاندى وتشى جيفارا .
ماتو بالرصاص عشان حسوا بالناس .
قال ايه كانو عايزين العدل يكون اساس .
جرب تقول حرية او عدالة اجتماعية .
جرب تقول مساواة او كرامة انسانية.
جرب تقول حقوق انسان او تعارض النظام .
اوعى تفكر تفكيرك خط احمر .
اخرك هتقدر تاخد عيش .
عشان يسكتوك مش عشان تعيش .
ولو صممت تمشى عكس الناس .
الاجابة هتكون بالرصاص.
ناس بترقص وناس بتموت.
واعلى صوت فى الحفلة .
صوت السكوت .
الجهل وحش .
ومن صناعة الانظمة .
سلاح بينفع فى كل الازمنة .
ادى الناس سمكة هياكلو يوم .
علم الناس الصيد هياكلو كل يوم .
العلم نور .
والنور علينا مش بيعدى .
عايشين فى ضلمة والضلمة ياما بتخبى .
قتل حبس دم .
فساد وظلم .
اغتصاب لأى حلم عايشين فى سجن .
ومع الوقت كل حاجة بتعدى .
اكل العيش صعب بيخلى العقل يصدى .
والخوف ساكن قلوب الناس .
وبيقتل جواهم الاحساس.
يا اهالينا المستقبل لينا .
متبقوش انتو والزمن علينا .
جيلكم ساكت ولا عمره اتكلم ...
دلوقتى جاى ينظر ويعلم .
آن الاوان الراية تتسلم
ناس بترقص وناس بتموت.
واعلى صوت فى الحفلة .
صوت السكوت .