Текст песни If I Could Go Back in Time - DAM

قبل ما تقتل ما كانت عايشه
نسرد قصتها بالعكس، من الجريمة للولادة (يلا معلمها)
جثتها قفزت من الحفرة لحفة الأرض
طلقة طلعت من جبينها وأنبلعت بالفرد
صدى صوتها صرخ، وهي ردّت عليه
دموعها تصعد من الخد للعينين
من وره غيمة الدخان وجوه العيلة
أخوها بلا خجل حط الفرد بالجيبة

الأب نزل المجراف ودهن عرق عجبينه
وبهزة راس أكتفى من القبر ومقاييسه
جرّوها عالسيارة, هي تضرب بأقدامها
كعاصفة رمال، تمحي أثر دعساتها

دخلوها عالبكاج, مش عارفة لوين
بس عارفة أنهم طلعوا 3 وراجعين إتنين
وصلوا البيت, رموها بعنف عالتخت
(بدك تهربي برّه البلاد آه؟)
صحوها بضرب

لو أرجع (لو ترجعي)
بالزمن
كنت ببتسم (بتبتسمي) بعشق (بتعشقي)
كنت بغني

لو أرجع (لو ترجع)
بالزمن (بالزمن)
كنت برسم (كانت بترسم) بكتب (بتكتب)
كنت بغني

قبل ما تغفى، كانت تحلم
نعكس حياتها علينا، بركي بنفهم
عقارب الساعة تتحرك من اليمين لليسار
بتراجع خطواتها متل اللي تاهت بمسار

نامت جاهزة، كم من قرش للتاكسي
تذكرة وجواز سفر تحت الوسادة
الجواب، خلّي الأواعي بالخزانة
بتلبس حياة جديدة وإذا سألوها لأيش الحقيبة

وأستأذنت للنوم، قامت عن الطاولة
أكلت منيح, مجبورة تمثل اليوم
الأنف وقّف نزيفه, هيك مبينلهم
بس الجرح طري، قبل ما يثبتوها هتثبتلهم

أمها عاتبتها, حياتك جنة (مش عاجبك قاعدة البيت!)
صدقك لما ندوق الممنوع فش أشي بتخبى
ساعتين قبل العشا السماعة أنطرقت، الأم أنصدمت
(قولولها الطيارة إتأجلت) رن التلفون

لو أرجع بالزمن (لو ترجعي بالزمن)
إيش كنتي بتسوي؟
كنت ببتسم، بعشق (شو كمان؟)
كنت بغني (سمعينا صوتك)

لو أرجع بالزمن
كنت برسم بكتب
كنت بغني (كنت بعطيكي عمري)

قبل ما تجاوب ما انسألت
سرد قصتها كالمعايير بحياتها، أنعكست
إيديها قبال وجهها, طالبة النجدة
إيدين الحواليها قبال وجههم, بقرؤا الفاتحة

ورقة الرزنامة انقلبت يوم لورا
سيعة مسا، النقاش أنتهى، أخوها أمر
شلال دم بجري من شفايفها وبنصب بالأنف (شو مفكر حالك)
صوت لكمة, من وجهها أنطلقت أيد الأخ

لأول مرة بحياتها بترفض
أمها أعلنت بفرح، بكرة أبن عمك جاي يطلب
إذا بمسك ألبوم حياتها وبقلّب
ما بصدف صورة فيها هي ماخدة موقف

مستصعب، الصفحات بأيدي تلزّق
الماضي ملطّخ بدم وعيون تدمّع
بس وعدتكم, من الجريمة للولادة, وجوههم غاضبة
كأنه خبروهم بجريمة (مبروك, أجتكم بنت) البداية

لو أرجع (لو ترجع)
بالزمن
كنت ببتسم، بعشق
كنت بغني

لو أرجع (لو ترجع)
بالزمن (آه بالزمن)
كنت برسم، بكتب (آه)
كنت بغني
كنت بغني

كنت بغني