Текст песни Mohakmet El Karn - El Joker

محاكمة القرن لأ، دي محاكمة القرون ده الطاعون
اللي يسيب ضمير فيبقى دون
عدم وجود أدلهة فمتسرقش اللي اتسرق
شعبك يموت يا بلدي ويقولولنا مفيش ورق

مسرحية بنكملها مكشوفة من أولها
بلد تموت تغور بس يعيش اللي بيقتلها
فديلها وجوده بيننا هو اللي قومها
وفوق دم الشهيد سفينة القتال عومها

فكفة الظالم تميل والثقل صنعة
اِوهمهم بالمؤبد شعبك جاع إديله رضعة
فهمهم إن أمان بلدهم بس في إيد شفيق
واوهمهم بالتغيير عوم قشة للغريق

اِوهم بالإعادة للنظام وصورة ترد غيبته
خليهم يرضو بسيّء لما الأسوء ييجي يرضو
انزع من شعبك أمله، واحدة واحدة بالتتدريج
إبدا بالذبذبات في الخط مهد للتعريج

أهلا بيك في مسرح ثورة والعرايس الثوار
فشلوا في إسكاتهم قالوا تقتلهم حرب الاختيار
خيّره بين جمرة وبين النار يختار الجمرة إدي له النار
خليه يوطي سقف حلمه وفجأة بإنه عليه بينهار

أهلا بيك في مسرح ثورة والعرايس الثوار
فشلوا في اسكاتهم قالوا تقتلهم حرب الاختيار
خيره بين جمرة وبين النار يختار الجمرة إدي له النار
خليه يوطي سقف حلمه وفجأة بإنه عليه بينهار

الجزء الثاني استخدم كارت ديمقراطية
هات شفيق عـ العرش وقول ده رأي الأغلبية
واصل إعدام الطبقة المتوسطة وإخفي المعارضة
صفي رموزها في ظل ظروف أكيد هتبقى غامضة

كمل الحلقة باستئناف الحكم الصادر
مبارك خذ براءة مين ساعتها هيقول باطل
وبكده فـكفة الإخوان تكون الكافة الرابحة
عشان نص الحقيقة ما يبانلوش حقيقة واضحة

الصيغة الثانية من السيناريو كانت إخوانية
ليسوا قتله ليسوا فلول وعايزن مصر إسلامية
فندي صوتنا ليهم تحت اسم حب الدين
فيكمل حلم هيمنتهم اللي عاش فيهم سنين

آسف ثقتي كاملة في فكر مرجعيته إسلامية
لكن في ظل سوء تطبيقها رفضي مطلق ع الشخصية
ولسه سيناريو فلول هو الأقرب للتحقيق
فـتموتي يا ثورة ولا تعيشي وتقطعي الطريق

أهلا بيك في مسرح ثورة والعرايس الثوار
فشلوا في اسكاتهم قالوا تقتلهم حرب الإختيار
خيره بين جمرة وبين النار يختار الجمرة إدي له النار
خليه يوطي سقف حلمه وفجأة بإنه عليه بينهار

أهلا بيك في مسرح ثورة والعرايس الثوار
فشلوا في اسكاتهم قالوا تقتلهم حرب الإختيار
خيره بين جمرة وبين النار يختار الجمرة إدي له النار
خليه يوطي سقف حلمه وفجأة بإنه عليه بينهار