Текст песни Ayam El Donia - Hanan Mady

صدقني
أيام الدنيا أحلى، من أحلام الأغاني
فيها الشارع وبيتنا، والحب الأولاني
أيام الدنيا أحلى من أحلام الأغاني
فيها الشارع وبيتنا، والحب الأولاني
وفيها إتربى قلبي، في حضن الناس حبايبي

اسمعني
حلوة الأحلام حقيقي، معلشِ يا حبيبي
حلوة الأحلام حقيقي، معلشِ يا حبيبي
لكن ما بين طريقي، وبينها بر تاني
وبحور هايجة وغريقة، وأنا مانيش جريئة
والسكة مخوفاني

أيام الدنيا أحلى، من أحلام الأغاني
فيها الشارع وبيتنا، والحب الأولاني

إفهمني
إمبارح كنت جنبي، في الغنواية الجميلة
إمبارح كنت جنبي، في الغنواية الجميلة
قلبك بستان وقلبي، عصفور ساكن خميلة
وصحيت على الحقيقة، بعد الغنوة الرقيقة
لقيتني بعيدة عنك، والغربة مسهراني

أيام الدنيا أحلى، من أحلام الأغاني
فيها الشارع وبيتنا، والحب الأولاني

كلمني
إيه رأيك يا حبيبي، ولا أنت مش معايا
إيه رأيك يا حبيبي، ولا أنت مش معايا
الحلم بدايته رحلة، لكن فيه النهاية
صدقني الدنيا أجمل، من حلم يموت ويدبل
وحتى يوم ما يصدق، يصدق مع حد تاني