Vrae

En ek vra jou hoe sy lyk
Ek vra jou hoe sy soen
Ek vra jou vir 'n antwoord
Maar wil eerder iets anders doen

As om te hoor hoe jy praat
Met jou hart op jou mou
Om te hoor hoe jy praat
Van haar en jou

En ek vra jou is sy ouer
Wat doen sy meer as ek
Ek vra jou vir 'n antwoord
Al maak dit my gek

As ek hoor hoe jy praat
Met jou hart in jou stem
As ek hoor hoe jy praat
Sny dit soos 'n lem

En ek vra jou is jy seker
Ek vra jou om te bly
Ek vra jou moet my nie los nie
Bly net hier by my

Maar as ek hoor hoe jy praat
Vrek die woorde op my tong
As ek hoor hoe jy praat
Draai ek stadig om

En jy vra my - sou jy terugkom
Dink ek dit sou werk
Jy vra my maar my antwoord bly
Dit los mos maar 'n merk

Maar as ek hoor wat jy sê
Dat jy my weer wil hê
As ek hoor wat jy vra
Is ek maar daar