Текст песни Igujilen (Live) - Matoub Lounes

Lemer zmireɣ ad rewleɣ i iman-iw
ɛemdeɣ iḍarren-iw
Ad darrin wala ad ḥebsen
Lemer zmireɣ ad kelxeɣ lebɣi-w
Ad isgen ul-iw
Ad rewleɣ 'wa ad iyi-yafen?!
Imi d nutni i d iman-iw
D lḥukkam n terwiḥt-iw
Ma neṭqeɣ-d ad iyi-ɛaqben
Tekkiḍ amnar n wallen-iw
Dayen ur kem-ttwalint ara
Lxid ɣur cuddeɣ zzher-iw
Yeqres-d yis-m yegla
Rriḥa-m deg uxxam-iw
Teqqim-d i ccum-iw
Tekseb leḥyuḍ d lḥara
Win muqleɣ seg warraw-iw
Icellex wul-iw
M'ara d-yini i Yemma?
Ah! I Yemma?

Tidet amek ara sen-ttemleɣ
Yeggugem yiles a ineṭqen
Deg urebbi-w ma ten-id-jemɛen
Ttagadeɣ acu iyi-d-qqaren
D times i tt-magareɣ
Mi ara ten-id-ḍelleɣ
Si lakul mi ara d-teffɣen
Azal iḍ ttucubleɣ
Amek ara sen-mleɣ
Amek i teḍra d Yemma-tsen
Ah! d Yemma-tsen

Lekdeb d tidet qarḥen
Sfeqden-d lḥal mazal
Lemer sbaṛ d imeṭṭawen
Iẓri-w ad yegg tiḥemmal
Ttagadeɣ medden ad asen-mlen
Ayen akken yefren
Ad d-yecceḍ deg yir awal
Tifeḍ-iyi kemm yemmuten
Nekk i d-yeqqimen
Amek ara qableɣ timsal

Tifeḍ-iyi kemm yemmuten
Nekk i d-yeqqimen
Amek ara qableɣ timsal
Tifeḍ-iyi kemm yemmuten
Nekk i d-yeqqimen
Amek ara qableɣ timsal