Текст песни Kenza (Live) - Matoub Lounes

Iceqqeq ifsex igenni, lehwa tessared aẓekka
Yal targa a tremmeg a tneggi, la ttseggixent tɣuza
Ddaw n tmedlin teffeɣ-d teɣri, tesṛaṛeḥ abbuh a tarwa

A Kenza a yelli, ṣbeṛ-as i lmeḥna
D iseflan neɣli, ɣef Lzzayer uzekka
A Kenza a yelli, ur ttru ara

Xas terka lǧeta tefsi, tikti ur tettmettat ara
Xas fell-aɣ qessḥet tizi, i facal a d-naǧew ddwa
Xas neqḍen acḥal d itri, igenni ur inegger ara

A Kenza a yelli, ur ttru ara
Ssebba ɣef neɣli, d Lzzayer uzekka
A Kenza a yelli, ur ttru ara

Fran-tt fell-aɣ zikenni, uqbel a d-yeḥder wass-a
Iṣeggaden n tmusni, ɣef tmurt ɣeḍlen-d rrehba
Nɣan Rachid Tigziri, Smail ur tezgilen ara
Nɣan Lyabes d Flisi, Busebsi d wiyaḍ meṛṛa

A Kenza a yelli, ṣbeṛ-as i lmeḥna
D iseflan neɣli, ɣef Lzzayer uzekka
A Kenza a yelli, ur ttru ara

Xerṣum d yiwen ad-yegwri, ad aɣ-id-ismekti azekka
Ɣef lǧerḥ iqcer ad yali, ad-nban gar tmura
Tarwa nneɣ ad-tennerni, xas akken deg urebbi n tlufa

A Kenza a yelli, ur ttru ara
Ssebba ɣef neɣli, d Lzzayer uzekka
A Kenza a yelli, ur ttru ara