Текст песни Taek emil n'tagrawla - Matoub Lounes

Lemmer di yetteε lxaṭer
Ddiq deg wul ma ad-yili
A nettweḥḥid netḥeyyeṛ
Imɣi n ṣṣwab a ifetti
Agni n liser mi ɣ-d-iḍheṛ
Nettḥiri a t-nerr d asuki
Negguma a nwexxeṛ i lewhi
N-widak i ɣ-yesmunedlen
Ula t-tamaziɣt nni
I nenwa ara ɣ-yesduklen
Bḍan-tt akk d leqsabi
Lqerra mačči yiwen

Mi nɣil neffɣ-ed ɣer luḍa
Ad aɣ-d-immager usawen
Leqbayel si zzman akka
Di tegmat i deg i tt-uɣen
Acḥal n yergazen at ṣṣfa
Nesɣim-asen-d nekkes-iten
Amek ara ɣ-yebru facal
Amek ara nqabel azekka
Ma nekna i uhubbu n temsal
Aεdaw ur ɣ-izeggel ara
Akken ad-nerret i ccetla azal
A-nḥelles ad-nbeddel ssira

Mi ɣ-tekkes tuqqsa usemmiḍ
Tayeḍ ad tt-id-nesnulfu
Yeggumma ad ɣ-yeffeɣ yiṣṣiḍ
Nefhem izedɣ-aɣ waḍu
Deg yeẓri n leğnas nettɣiḍ
Qqaren-as amek ara tefru
Neḥṣa ass-n m ara tefru
A tt-ɣellten wid tt-iceεlen
Ma d wid yewwin ddeεwessu
Lfeṛḥ-is ur s-ḥeddṛen
Ad-teggri tağğalt tettru
At-tezzağğaw deg imeṭṭawen

D tteɣzizat i ɣ-yenɣan
Nettṛebbi afud i tismin
Gar-aneɣ argaz mi d-iban
Ad-nexleq deg-s amqennin
D winna i ken-iğğan εeryan
Iwumi ara d zedmen lesnin
Akka i d tigrawliwin.ulac tin ur nesεi akarfa
D wina aken idurin ig sburren tarakna
Ara magrent teɣratin,m ara yefru dderz;el fetna