Текст песни Kehte Ho Ishq Ka Afsana Chahiyie - Nusrat Fateh Ali Khan

RaazdaaroN se bach ke chaltaa huuN
Gham-gusaaroN se bach ke chaltaa huuN
Mujhko dhokaa diyaa sahaaroN ne
Ab sahaaroN se bach ke chaltaa huuN

Shiiraaza-e-hayaat pariishaan ho gayaa
Ye marhalaa bhii Khair se aasaan ho gayaa
Mere sukuun-e-dil ko to hona hii tha tabaah
Unkii bhi ek nigaah kaa nuqsaan ho gayaa

Muhabbat kii ko′ii manzil nahiiN hai
Muhabbat mauj hai saahil nahiiN hai
Meri afsurdagii pe haNsne vaale
Tere pahluu mein shaayad dil nahiiN hai

Kahte ho mujh se ishq kaa afsaana chaahiye
Rusva'ii ho ga′ii, tumheN sharmaana chahiye

Khuddar itnii fitrat-e-rindaana chaahiye
Saaqii ye Khud kahe koi paimaana chaahiye

Mattii Kharaab karte ho kyuuN biimaar-e-hijr kii
Jo tum pe mar gayaa use dafnaanaa chaahiye

AankhoN mein dam ruka hai kisi ke liye zaruur

Go haath ko jumbish nahiiN aankhoN meN to dam hai
Rahne do abhii saaGhar-o-miinaa mere aage

KyuuNkii merii...

AankhoN meN dam rukaa hai, aankhoN mein

Kahnaa sitam ko chhoRo lillah na ab sataao
AankheN taras gayii haiN aa jaao aa bhii jaao

Khudaa ke liye ab to aa jaao

Varnaa.

AankhoN meN dam rukaa hai, aankhoN mein

Apne mariiz-e-hijr se ab to na be-niyaaz ho

Qaasid payaam-e-Khat ko denaa bahut na tuul
Bas muKhtasar ye kahnaa ke aa jaao

Kab aaoge?

Maah basant meN panchamii aayii
SakhiaN karat sab haar singaaro
Kiskaa maiN joRaa basantii rang pahnuuN
Jab naahiiN mere Shaam pyaaro

Diyaa sao deevari, nagar sab jag mag
Maine madar meN diyaa hii na baaro
Mein kehti phiruuN ke

Aate aate lab pe aaheN thak gayiiN
Aa bhii jaao ab nigaaheN thak gayiiN

Kyaa ban ke qayaamat kaa sabab aaoge?

Chhaayii hai ghaTaa aur barastii hai sharaab
Tum ab bhii na aaye to kab aaoge

AankhoN meN dam rukaa hai kisii ke liye zaruur
Varnaa mareez-e-hijr ko mar jaana chahiye

Vaadaa andherii raat meN aane kaa thaa "Qamar"
Ab chaaNd chhup gayaa unheN aa jaana chaahiye