Текст песни Idillio 'e merda - Peppe Barra

Paolo e Francesca
Giulietta e Romeo
Amore e Psiche
Alfredo e Violetta
E tanti tanti innamorati...

Nu juorno na cacata sulitaria
Meza annascosta rint' 'a nu sentiero
C'o sole 'e luglio e c'o profumo 'e ll'aria
S'annammuraie d'o strunzo 'e nu pumpiero

Essa era tonna, acconcia, piccerella
Isso era niro, gruosso, frisco frisco
Essa era fatta a fforma 'e cuppulella
Isso rassomigliava a n'obelisco

E, cu l' intermediario 'e nu muscone
Na bella sera tutta prufumata
'O strunzo avette 'a dichiarazione
D'ammore d'a cacata nnammurata

Isso era nato sotto mala stella;
Ca maje nisciuno l'aveva guardato...
Vulette bene a chella cacatella
Cchiù assaie d'o culo ca l'avea cacato

Ma stevano luntano; e sulo 'a luna,
E sulo 'e pprete e sulo 'e ffrasche verde
Sapevano 'e turmiente, a uno a uno
'E chilli duie sperdute piezze 'e merda

E una mattina, erano verso ll'otto
Nu cato d'acqua 'a copp'a na fenesta
Facette comm'o libbro galeotto
'E 'onna Francesca e Paolo Malatesta

Benedicenno nzieme chella secchia
S'astrignèttero forte... erano sule
Essa lle regalaje na pellecchia
Isso lle regalaje dduie fasule

Chiano, sciulianno dint'a ll'acqua 'alice
Cu nu curteo 'e muschille int'o sentiero
Sotto 'o sole, 'a cacata 'e stiratrice
Se mmaretaje c'o strunzo e nu pumpiero

E in viaggio 'e nozze stettero abbracciate
Mmiez'a dduie piezze 'e càntere scassate