Текст песни Richmondstraat - Piet Botha

Jou liefde, nes hierdie somer
Was maar 'n oomblik in die wind
En nou het jou hart
'n Ander seisoen gevind
En haar naam is 'n winter
En koud is haar hart
En buite my venster
Begin dit reën op die
Richmondstraat

Maar ek wonder waar is jy nou
Waar is jy heen
Waar is die engel
Wat gedans het in die reën?

Hier onder op die Richmondstraat
Werk die meisies dwars deur die nag
En somtyds dan bring een vir my
'n Beker met salf
Jy moet nooit nee sê
Vir die gunste van 'n vrou
En ek sal ook enigeiets doen
Net om nie van jou te onthou

Maar ek wonder waar is jy nou
Waar is jy heen
Waar is die engel
Wat gedans het in die reën?

Haar naam is Juanita
En sy kom van 'n vreemde land
Vroeg in die môre
Leer sy my om te verstaan
Dit is vir my so mooi
Hierdie taal wat sy praat
My spaanse engel
Woon op die Richmondstraat

Maar ek wonder waar is sy nou
Waar is sy heen
Waar is die engel
Wat gedans het in die reën?