Текст песни Zafat Wajeh Alsaad - Rashed Al-Majed

بالعرضة ميلي يالسيوف
اليـوم ذا يـوم السَـعَـد
وإتـلامعي بين الكفـوف
لا من لِفا وَجه السَعَـد
وْقلوبـنـا حوله صفـوف
متوافِدة إتهَنـيي سَعَـد
هذا الوفي سَمْح الوصوف
هذا سِمِي جدّه سـعد
—————
من ساحِل الشرقيـّة يا ليل الأفراح
زِفـّي التـهاني لين نجد العـذيـّة
وْهَنِّي اللي وَجهه يشبه الضي لا لاح
يـتـبـاشَر الليل بـْمجيـّاه وْ ضَيّه

سَعَد سليل الطيب كسّاب الأمداح
إبن فضِل... شبيـه جدّه وْ سِميـّه
نجل الكحيلان اللي من وين ما راح
عزيز... وْ تـشهد له تـميم الأبـيـَّة

هالليلة لو لِلفرحة في قلوبنا جناح
طارت تـهنّي الناس روحه وْ جَيـَّه
يكفيها فرحة لولوة.عِـز و وْشـاح
بْشوفة بِكِرها.وْهذي أجمل هديّـة

مبروك وْبْكبر السما وْ عَدّ ما طاح
غيثٍ سِقا الأرض وْ نفوس البريـّة
يستاهل اللي بْوَجهها نور الأصباح
إخت الرجال الأكرميـن.الـوفـيـًة

عبيرها بالزين والطيـب لا فـاح
تبهرك بين أخلاق وْ طلَّة بـهـيـَّة
إلٰهي يغمر قلبهم سعـْد وافراح
وْ خير وْ توافيق وْ حياةٍ هـنـيـة