Текст песни Isle Of Capri - Tinu Heiniger

I weiss no gnau, wie's denn isch gsy
Denn ds erschte Mau die Melodie
U sithär klingt u tönt si hie
Zmitts i mir inn: Isle of Capri

Gäng wen i müed u truurig bi
Ghör i ufzmau die Melodie
Sie fahrt mir gäng vo Nöiem y
Isle of Capri! Isle of Capri

Aus, wo so schwär isch, wird liechter
Aues wo fyschter isch, häu
Töif i mim Härz brönne d'Liechter
U s'chlopfet so lut u so schnäu

Chumm, los mit mir die Melodie
Denn, we i müed u truurig bi
U söttisch wüetig, hässig sy
Singi für di: Isle of Capri