Текст песни Blyb no ne chli - Tinu Heiniger

Du drääisch di nomau um, u luegsch mi aa
När seisch, du weisch, i mues jetz gah

Nei, gang no nid, blyb no ne chli
Wett no chli mit dir zäme sy

Säg nüt, frag nid, was isch, u wies mir geit
S isch Summer u es stürmt u schneit

U es isch Herbscht u aus verblüeit, vergeit
U mir sy truurig, u mir hei o Fröid

A däm, wo mir enang hei gha
Gäu was isch gsy, isch gäng no da

U när ufzmau bisch furt, bisch wägg
Du drääisch di um u geisch dy Wäg
U när ufzmau bisch furt, bisch wägg
Du drääisch di um u geisch dy Wäg

Jetz louf i hie im Aabeliecht
U gseh di vor mir, gseh dys Gsicht

U blyb i irgendnöime stah
De steisch du plötzlech näbedraa

I ghöre, wi de seisch, du weisch, i mues jetz hei
U gspüre när dä Schmärz im Härz – u bi allei

U i weis nid, was isch, weis nid, was mau isch gsy
Aus won i weis, das isch, dass i so truurig bi

Du drääisch di nomau um – u luegsch mi aa
När seisch, du weisch, i mues jetz gah

Nei, gang no nid, blyb no ne chli
Wett no chli mit dir zäme sy

Nei, gang no nid, blyb no ne chli
Wett no chli mit dir zäme sy