Текст песни Nora - Tinu Heiniger

Der schönscht Tag i der Wuche isch
Dä Tag, wo du bi üs hie bisch
Mir warte uf dä Tag, mir plange druuf
We du zur Tür y chunnsch, geit d Sunne uuf

Du bisch e Stärn am Himuszäut
Du bisch e Blueme uf em Fäud
Du bisch es Liecht i üsere Wäut

Mit dir wird ds Schwäre, ds Fyscht're liecht u häu
Was träg u langsam isch, wird wiud u schnäu
U ds Aute, ds Stille jung u lut
U ds Wüeschte, ds Schwäre schön u guet

Du bisch e Stärn am Himuszäut
Du bisch e Blueme uf em Fäud
Du bisch es Liecht i üsere Wäut

Mir stuune, was du aus scho weisch
Wi du üs Mönsche gsehsch, gspürsch u versteisch
Du malsch, singsch, schribsch, verzeusch – was z gä hesch, gisch
Du tuesch üs guet, wül du di säuber bisch

Du bisch e Stärn am Himuszäut
Du bisch e Blueme uf em Fäud
Du bisch es Liecht i üsere Wäut