Текст песни 海上風光 - 尹光 , 胡美儀

我昨晚去岸邊四面瞧 嘩見有個蜑家妹真嬌俏
嚦嚦鶯聲頻頻嚟喚大少 佢嬲我去租艇戲浪潮
佢眼角猛丟 眼角猛丟 仲咪咪嘴咁笑
引到我神魂迷蕩了 我企錯腳差啲跌咗落橋

我讚句阿嬌 (好鬼正)
佢掹雞俏 (掹得勻循)
佢嘅折柳腰 (廿四吋)
真係呱呱叫 (無得彈)

喂喂我要呀共你去戲浪潮 你要嘅代價幾多鈔票
卒之傾埋佢話錢財唔重要 佢對我的確好關照

(唏 阿太太 乜咁好死呀
你撐人哋去遊船河又話要幾百蚊個鐘
同我又唔講錢 不如咁啦 遊完船河
我請你宵夜 跟住通宵直落呢)

(光哥仔 你又唔同喎 你風流倜儻高大威猛嘅
同你去宵夜真係求之不得喇)

(係唔係嘅啫)

我與佢呀並肩戲浪潮 佢猛放啲生藕不得了
引到我神魂呀迷蕩了 佢快快趣開艇搏命搖

暢快半宵 暢快半宵 心歡笑
轉下眼船頭紅日照 乜到處嘅飛鳥吱喳叫

我細看下手錶 (嘩過晒鐘架嗱)
哎吔嚇得我一跳 (死火喇)
我叫佢阿嬌 (快啲喇)
我返工緊要 (遲到架嗱)

你快快呀划我上木橋 佢叫聲拜拜仲咪咪嘴咁笑
點不知我錢財畀佢扒盡了 氣到我好似生蝦咁跳