Sunil Edirisinghe - Ran Malak Lesa Lyrics

Lyrics Ran Malak Lesa - Sunil Edirisinghe




රන් මලක් ලෙස දෙව් බඹුන්
දෝතින් පිදූ මේ පින් බිමේ
පස් පිඬක් ගිලිහී නොයන්නට
රන් වැටක් ඇත සිව් කොනේ
නෙත් පුරා එක හීනයේ
මුළු ලෝකයා නිදනා රැයේ
දේශයේ මුර දේවතා එළි
රෑ පුරා දැල්වී තියේ
ළෙහි හොවා වැඩු සිය පුතුන් අත
අවි දරා වැද රණ මතින්
පෑ විකුම් මැද දෑ බැතින් හිස
අත් මුදුන් දෙති පියවරුන්
මව් බිමේ හිමිකම් පතා තම
දිවි පිදූ කල පුතුන්
තුන් හෙළේ හැම මව්වරුන් ළය
කිරි එරී ඇත උන් නමින්
රන් මලක් ලෙස දෙව් බඹුන්
දෝතින් පිදූ මේ පින් බිමේ
පස් පිඩක් ගිලිහී නොයන්නට
රන් වැටක් ඇත සිව් කොනේ
මවු කුසින් නොව මිහි කුසින්
සිරිලක උපන් විරු දරුවනේ
අපි ඔබෙන් නව පණ ලබා මෙහි
යළි උපන්නෙමු අද දිනේ
නෑ සියන් සොයුරන් ඔබේ අද
දූ පුතුන් හැම මේ බිමේ
හදවතින් අපි යුද බිමේ ඔබ
තනි කළේ නැත කිසි දිනේ
හදවතින් අපි යුද බිමේ ඔබ
තනි කළේ නැත කිසි දිනේ
හදවතින් අපි යුද බිමේ ඔබ
තනි කළේ නැත කිසි දිනේ
හදවතින් අපි යුද බිමේ ඔබ
තනි කළේ නැත කිසි දිනේ



Writer(s): Rohana Weerasinghe


Attention! Feel free to leave feedback.