Lyrics Umebadilika - Young Killer feat. Banana Zorro

Pokea busu shavuni
Toka kwa mnyamwezi
Ambaye uliona nakurubuni
Mdanganyifu wa mapenzi

Leo umeniona kanuni
Bila mimi jibu huwezi
Chozi mwanzo wa huzuni
Maji ndo huleta utelezi

Sasa unalala salama
Unakumbata picha yangu
Usiku njozi zinakwama
Bila sauti yangu

Leo zamu yako, mama
Si unakumbuka hustle zangu
Kipindi unanitukana
Ukidai sio type yangu

Sasa unaniita mchumba
Unaamini nitakuoa
Hadi macho unanifumba
Hata tongotongo sijatoa

Unanipa hadi mavumba
Nisifulie nikaboa
Unamshukuru Muumba
Zawadi ka mimi kuitoa

Si ulinisema kwa babako
Anikamate, aniadhibu
Ukiwa na wenzako
Mkiniponda kwa zabibu

Haukujua nitakuwa wako
Nitashinda majaribu
Ingawa mwaka mzima nilihustle
Nikufate ili unipe jibu

Ni nini kilichobadilika?
Ni nini kilichokubadilisha?
Ama ni mimi nimebadilika?
Siamini mi, umekamatika
Umeshikika, umebadilika we

Ah, yaani ule utumbo ulioutupa
Ukanipa nikaulia ndizi
Mpaka pande za fukwe
Tukasepa kubarizi

Hauna shauku pale unapoona machizi
Eti unampenda Belle na Ice ndo wapo easy

Unanipa ushauri
Pamoja tunaujadili
Ukasema una nafsi moja
Hauwezi kutupenda wawili

Nafasi niliyonayo kwako
Zaidi ya kunipa mwili
Sa ni ndoa hitaji lako
Eti umechoka kusubiri

Sasa haulali hadi unipigie phone
Unadai nina kosa kubwa la kutesa moyo wako

Naheshimu hisia zako
Unavyosema unaniamini
Hata vocha ya laki moja
Haitoshi kuongea na mimi

Mapenzi yangekuwa ni maji
Nahisi ungenipa bahari
Mapenzi yangekuwa kipaji
Nahisi ungenipa mistari

Hauhitaji ushauriwe juu yangu
Mwamuzi wewe
Unasema moyo wako, wangu
Na mi ndo chaguo la wewe

Ni nini kilichobadilika?
Ni nini kilichokubadilisha?
Ama ni mimi nimebadilika?
Siamini mi, umekamatika
Umeshikika, umebadilika we

Ah, nimekupa nini, unadai
Tofauti na sauti nzuri niliyokuimbia kitandani
Daily unafurahi
Ama ni swagger za majeans na tai
Ama ni penzi zuri n'nalokupa asubuhi kabla ya chai

Umechoka kuniita Killer
Unataka uniite mume
Mapenzi yangekuwa ajira
Ungeniajiri kidume

Nishakuteka fikira
So inabidi tu ujitume
Kuniweka sawa kisha
Tuwadhibiti paka shume

Unasema ungejua mapema
Hata usingeringa
Ungenipokea kwa moyo mmoja
Mikono ungekinga

Kwa kiss za kutosha
Ungenihug kila saa
Na kama ungekuwa malkia
Ungenihonga hata Dar

Sikufichi, mama
Unanipa raha
Nimeshinda vita yako ya mapenzi
Na sitojiita shujaa

Sihitaji nishauriwe juu yako
Mwamuzi mimi
Nasema moyo wangu, wako
Na we ndo chaguo la mimi

Ni nini kilichobadilika?
Ni nini kilichokubadilisha?
Ama ni mimi nimebadilika?
Siamini mi, umekamatika
Umeshikika, umebadilika we

Ama nyimbo za mapenzi zimekubadilisha?
Maneno yangu ya mahaba
Mpaka umebadilika
Siamini mi, umebadilika
Umeshikika, umekamatika we

Man Walter and D Classic
Msodoki