Текст песни Bousòl - BélO

Nou pa ka ret tann ankò
Nou deside pou n fè jefò
Pou nou bay peyi a
Mwayen pou l kapab avanse

Nou pa t sanble ak nou ankò
Nou tout gen rezon, nou tout antò
Pendant ce temps, peyi a
K ap tann nou rekonsilye

Gen resous, nou gen fòs, ann fè inite
Nou p ap janm ka fè nòs si nou pa marye

Avanse, leve peyi a
Peyi a se yon bato
N ap lite, n ap rivee ak lafwa
Bousòl nou se libète
Nou kanpe, fin ak mizè sa
Lajenès klere flanbo
Leve, soti nan fènwa

Bak, bak, bak
Sa fè lontan nou t ap fè bak
Nou deside bay kò n de tap
Pou nou ka divòse
Ak yon sistèm ki pa t mache

Kote chak moun fè yon ti klan
Fè ti lajan, fè ti magouy pa yo (pa yo)
Plimen 'la nation', fè koripsyon, fin ak pratik sa yo
Kounyeya la, nou deside pou sa chanje

N ap chanje direksyon ak mantalite
Pou lòt jenerasyon fyè de sa n kite

Avanse, leve peyi a
Ayiti se yon bato
N ap lite, n ap rive ak lafwa
Bousòl nou se inite
Nou kanpe, fin ak mizè sa
Lajenès klere flanbo
Leve, soti nan fènwa

Rasanble

Rasanble

Gen resous, nou gen fòs, ann fè inite
Pou lòt jenerasyon fyè de sa n kite
Wo-yo, wo-yoy

Avanse, leve peyi a
Peyi se yon bato
N ap lite, n ap rive ak lafwa
Rasanble
Nou kanpe, fin ak mizè sa
Tout san nou se libète
Leve, soti nan fènwa

Nou kanpe, pou n fin ak mizè sa