Текст песни الخط ده خطى - Cairokee

الخط ده خطي . والكلمة دي ليا
غطي الورق غطي . بالدمع يا عينيا
شط الزتون شطّي . والأرض عربية
نسايمها أنفاسي وترابها من ناسي
وإن كنت أنا ناسي ما حتنسانيش هي
الخط ده خطي والكلمة دي ليا
لاكتب على عيني . يحرم عليكي النوم
واحبس ضيا عيني . بدموعي طول اليوم
قبل الوفا بديني زي الصلاه والصوم
ده الدين في عُرف الحر هم ومذله ومر
وهموم تجيب وتجُر أحزان مخبية
الخط ده خطي والكلمة دي ليا
لاكتب على كفي . والحبر من دمي
يا عِزوتي كفي . يا همتي ضمي
أول ما حنوَفي . بالوعد حنسمّي
بأسم اللي ماتوا صغار في المدرسة والدار
والمصنع اللي انهار فوق الصنايعية
الخط ده خطي . والكلمة دي ليا
الخط ده خطي . والكلمة دي ليا
غطي الورق غطي . بالدمع يا عينيا